प्रतिनिधिसभा निर्वाचन तयारी तीव्र, ४४ जिल्लाका १०० क्षेत्रमा प्रयोग हुने मतपत्र छपाइ सम्पन्न

Share this
758shares
मुलुकी खबर
मुलुकी खबर
clock२०८२ माघ २७, मंगलबार ०६:१७

काठमाडौं । आगामी फागुन २१ गते हुने प्रतिनिधिसभा सदस्य निर्वाचनको तयारी अन्तिम चरणतर्फ प्रवेश गर्दै गर्दा निर्वाचन आयोगले ४४ जिल्लाका १०० निर्वाचन क्षेत्रमा प्रयोग हुने मतपत्रको छपाइ कार्य सम्पन्न गरेको छ ।

आयोगका अनुसार हालसम्म ती जिल्लाका सबै मतपत्र छापिसक्नुका साथै प्याकिङसमेत पूरा भइसकेको छ । मतपत्र छपाइको काम भक्तपुरस्थित जनक शिक्षा सामग्री केन्द्र लिमिटेडमा भइरहेको छ ।

आयोगका सहायक प्रवक्ता कुलबहादुर जीसीका अनुसार सोमबारसम्म कुल १ करोड २२ लाख ५६ हजार मतपत्र छपाइ भइसकेको छ । छापिएका मतपत्र सुरक्षित रूपमा बाकसमा प्याक गरी ढुवानीका लागि तयारी अवस्थामा राखिएको जानकारी दिए ।

आयोगका अनुसार हिमाली तथा दुर्गम जिल्ला डोल्पा, मुगु, जुम्ला, कालिकोट, हुम्ला, जाजरकोट, दैलेख, रुकुम पश्चिम, सल्यान र सुर्खेतका लागि आवश्यक मतपत्र छपाइ सम्पन्न भइसकेको छ । त्यसैगरी बाजुरा, अछाम, बझाङ, डोटी, डडेलधुरा, दार्चुला, बैतडी, कैलाली र कञ्चनपुरजस्ता सुदूरपश्चिमका जिल्लाको मतपत्र पनि छापिइसकेको छ ।

पूर्वी पहाडी तथा तराई क्षेत्रतर्फ पाँचथर, इलाम, तेह्रथुम, भोजपुर, ओखलढुंगा, सुनसरी, ताप्लेजुङ, संखुवासभा, सोलुखुम्बु, खोटाङ र धनकुटाका लागि मतपत्र छपाइ पूरा भएको आयोगले जनाएको छ । त्यस्तै झापा, मोरङ र उदयपुरजस्ता जनघनत्व बढी भएका जिल्लाका मतपत्र पनि छपाइ भइसकेका छन् ।

मध्य र पश्चिम पहाडी क्षेत्रमा बागलुङ, गुल्मी, गोरखा, म्याग्दी, पर्वत, मुस्ताङ, लमजुङ, तनहुँ र स्याङ्जाका मतपत्र छापिसकिएको छ भने तराई क्षेत्रअन्तर्गत बर्दघाट सुस्ता पश्चिम (नवलपरासी) र बर्दियाको मतपत्र छपाइ पनि सम्पन्न भइसकेको आयोगले जनाएको छ । हालसम्म ४४ जिल्लाको मतपत्र छपाइ सकिएको हो ।

छापिएका मतपत्रलाई सुरक्षित रूपमा बाकसमा राख्ने कामसमेत भइसकेको छ । आयोगका अनुसार हालसम्म १० हजार ७ सय ५९ बाकस मतपत्र प्याकिङ भइसकेको छ । बाकसहरू सम्बन्धित जिल्लातर्फ ढुवानीका लागि तयारी अवस्थामा राखिएको छ ।

प्रतिनिधिसभा सदस्य निर्वाचनका लागि समानुपातिक र प्रत्यक्ष दुवै निर्वाचन प्रणालीअन्तर्गत प्रयोग हुने मतपत्र छपाइ प्रक्रिया गत पुस २२ गतेदेखि सुरु गरिएको थियो । पहिलो चरणमा १० लाख ९८ हजार २ सय थान नमुना मतपत्र छपाइ गरी विभिन्न जिल्लामा पठाइसकिएको आयोगले जनाएको छ । जसको प्रयोग मतदाता शिक्षा तथा तालिमका लागि गरिँदै आएको छ ।

समानुपातिक निर्वाचन प्रणालीतर्फको मतपत्र छपाइ पुस २६ गतेदेखि सुरु गरिएको थियो । आयोगका अनुसार माघ १३ गतेसम्म २ करोड ८ लाख ३० हजार मतपत्र छपाइ सम्पन्न गरी प्याकिङ, रुजु तथा ढुवानीको तयारी पूरा गरिएको छ ।

प्रत्यक्ष निर्वाचन प्रणालीतर्फ भने कुल २ करोड ३ लाख २३ हजार मतपत्र छाप्नुपर्ने छ । सो प्रणालीअन्तर्गतको मतपत्र छपाइ माघ १६ गते बिहानदेखि सुरु भएको हो ।

निर्वाचनको मिति नजिकिँदै जाँदा मतपत्र छपाइ, प्याकिङ र ढुवानीजस्ता प्राविधिक काम समयमै सम्पन्न गर्नु चुनौतीपूर्ण भए पनि हालसम्मको प्रगति सन्तोषजनक रहेको आयोगको भनाइ छ । आयोगले बाँकी जिल्लाका मतपत्र छपाइ तथा व्यवस्थापन कार्य पनि निर्धारित समयसीमाभित्रै सम्पन्न गर्ने दाबी गरेको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.