पत्रकार पटेलसहितलाई सफाइ

Share this
692shares
मुलुकी खबर
मुलुकी खबर
clock२०८२ माघ २८, बुधबार ०८:२६

रौतहट । रौतहटको फतुवा विजयपुर नगरपालिकामा स्प्रे ट्यांकी वितरणसम्बन्धी बोलपत्रमा भ्रष्टाचार भएको भन्दै अख्तियार दुरुपयोग अनुसन्धान आयोगले दायर गरेको मुद्दामा पत्रकार रुपेन्द्र पटेलसहित ४ जनाले विशेष अदालतबाट सफाइ पाएका छन् ।

माघ २७ गते सुनाइएको फैसलामा अदालतले आरोप पुष्टि हुने ठोस प्रमाण नदेखिएको निष्कर्ष निकाल्दै अधिकांश प्रतिवादीलाई निर्दोष ठहर गरेको हो । विशेष अदालतका अध्यक्ष सुदर्शनदेव भट्ट र सदस्य हेमन्त रावलको संयुक्त इजलासले तराई पोष्टका प्रकाशक रुपेन्द्र पटेल, जनसवाल दैनिकका सम्पादक रामजी बगाले, तत्कालीन प्रमुख प्रशासकीय अधिकृत शम्भुप्रसाद यादव र सहलेखापाल नविनकुमार यादवलाई सफाइ दिएको हो ।

अदालतले तराई पोष्टमा सम्बन्धित बोलपत्रको विज्ञापन प्रकाशित भएको प्रमाण नदेखिएको, भुक्तानी नलिएको र पत्रिकाको नाम दुरुपयोग भएको ठहर गरेको छ । तर, नक्कली प्रतिनिधि बनेर किर्ते कागजात र छाप प्रयोग गर्दै नगरपालिकाबाट २ लाख १२ हजार २ सय २५ रुपैयाँ भुक्तानी लिएका ओमप्रकाश यादवलाई भने दोषी ठहर गरिएको छ ।

उनलाई ६ महिना कैद सजायसहित सोही बराबरको बिगो असुल, बराबर जरिबाना तथा अपराध पीडित संरक्षण कोषमा ८ हजार ४ सय ८९ रुपैयाँ क्षतिपूर्ति बुझाउने फैसला भएको छ । अख्तियारले २०७८ फागुन २७ गते आर्थिक वर्ष २०७८–७९ को बोलपत्र प्रक्रियामा सीमित प्रतिस्पर्धा गराइएको आरोपसहित मुद्दा दायर गरेको थियो ।

अदालतको फैसलाले प्रमाण अभावमा निर्दोष ठहरिएकाहरूलाई राहत दिएको छ । तर, नक्कली कागजात प्रयोग गरी सार्वजनिक निकायलाई झुक्याउने कार्यप्रति कडा सन्देश दिएको छ ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.