टिकटकमा निर्वाचन अभियान, उत्कृष्टलाई ५० हजार पुरस्कार

Share this
707shares
मुलुकी खबर
मुलुकी खबर
clock२०८२ फागुन ८, शुक्रबार ०६:१७

काठमाडौं । आगामी फागुन २१ गते हुने प्रतिनिधिसभा सदस्य निर्वाचन, २०८२ लाई लक्षित गर्दै निर्वाचन आयोगले सामाजिक सञ्जालमार्फत मतदाता सचेतना फैलाउने उद्देश्यसहित टिकटक भिडियो प्रतियोगिता घोषणा गरेको छ ।

युवापुस्तालाई निर्वाचन प्रक्रियामा जोड्ने र डिजिटल माध्यमबाट सकारात्मक सन्देश प्रवाह गर्ने लक्ष्यसहित आयोगले ‘टिकटक भिडियो प्रतियोगिता’ अघि सारेको हो । आयोगका अनुसार प्रतियोगितामा सहभागी हुन चाहनेले निर्वाचनको महत्व, मत हाल्ने सही तरिका, मतदाताको अधिकार र कर्तव्य, उम्मेदवार छनोटका आधार वा निर्वाचन आचारसंहिताजस्ता विषय समेटेर अधिकतम एक मिनेटको मौलिक भिडियो तयार गर्नुपर्नेछ ।

भिडियो संवादमूलक, सन्देशप्रधान र आफ्नै मौलिक अडियो तथा अभिनयमा आधारित हुनुपर्ने स्पष्ट सर्त राखिएको छ । प्रतियोगितामा प्राप्त भिडियोमध्ये सबैभन्दा बढी भ्युज प्राप्त गर्ने र सन्देशका दृष्टिले प्रभावकारी ठहरिने तीन उत्कृष्ट भिडियोलाई नगद पुरस्कार प्रदान गरिनेछ ।

प्रथम हुनेले ५० हजार रुपैयाँ, दोस्रो हुनेले ३० हजार रुपैयाँ र तेस्रो हुनेले २० हजार रुपैयाँसहित प्रमाणपत्र प्राप्त गर्नेछन् । भिडियोको गुणस्तर, प्रस्तुति, अभिनय, मौलिकता र समाजमा पार्ने प्रभावलाई छनोटको मुख्य आधार बनाइने आयोगले जनाएको छ ।

सहभागीले आफ्नो भिडियो टिकटकसहित अन्य सामाजिक सञ्जालमा अपलोड गरी त्यसको लिंक आगामी फागुन १७ गतेभित्र आयोगको आधिकारिक इमेलमा पठाउनुपर्नेछ । एक व्यक्तिले एउटै विषयमा एउटा मात्र भिडियो पठाउन पाउने व्यवस्था गरिएको छ ।

आयोगले उत्कृष्ट ठहरिएका भिडियोहरू आफ्ना आधिकारिक सामाजिक सञ्जालमार्फत पुनः प्रसारण गर्ने तयारीसमेत गरेको छ । सामाजिक सञ्जालको बढ्दो प्रयोगलाई निर्वाचन शिक्षा र सचेतनासँग जोड्ने प्रयासस्वरूप ल्याइएको यो अभियानले युवाहरूको सक्रियता बढाउने अपेक्षा आयोगको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.