नासु मदन गुप्ताको भ्रष्टाचार मुद्दा ‘हेर्न नमिल्ने’

Share this
715shares
मुलुकी खबर
मुलुकी खबर
clock२०८२ फागुन ८, शुक्रबार १६:३७

काठमाडौं। बारास्थित मालपोत कार्यालयका तत्कालीन नायब सुब्बा (नासु) मदन कुमार गुप्ताको भ्रष्टाचार मुद्दालाई सर्वोच्च अदालतले ‘हेर्न नमिल्ने’ सूचीमा राखेको छ। शुक्रबार न्यायाधीशद्वय नहकुल सुवेदी र सुनिलकुमार पोखरेलको संयुक्त इजलासमा उक्त मुद्दाको सुनुवाइका लागि पेसी तोकिएको भए पनि अन्तिम समयमा यसलाई स्थगित गरिएको हो।

तीन दशक लामो सरकारी सेवामा रहेका गुप्ताले करिब २८ लाख रुपैयाँ मात्र पारिश्रमिक बुझेको देखिए पनि १९ करोड रुपैयाँभन्दा बढी अकुत सम्पत्ति आर्जन गरेको अख्तियार दुरुपयोग अनुसन्धान आयोगको छानबिनबाट खुलेको थियो। २०७६ साल जेठमा उनी विरुद्ध आयोगले गैरकानुनी सम्पत्ति आर्जन, राजस्व हिनामिना र सरकारी कागजात नष्ट गरेको लगायतका सात वटा छुट्टाछुट्टै भ्रष्टाचार मुद्दा दायर गरेको थियो।

यी सात मुद्दामध्ये छ वटामा विशेष अदालतले गुप्तालाई दोषी ठहर गरिसकेको छ भने एउटा मुद्दामा मात्र उनले सफाइ पाएका थिए। विशेष अदालतले उनलाई ५ वर्ष कैद सजाय सुनाएपछि उनी हाल कारागारमा छन्। गुप्ताले मालपोत र बैंकको नक्कली रसिद प्याडसमेत बनाएर करोडौँ सरकारी राजस्व हिनामिना गरेको अनुसन्धानबाट पुष्टि भएको थियो।

विशेष अदालतको फैसला चित्त नबुझेपछि गुप्ताले सर्वोच्च अदालतमा पुनरावेदन गरेका थिए। आजको पेसी हेर्न नमिल्ने भएसँगै यस मुद्दाको सुनुवाइ प्रक्रिया थप केही समय लम्बिने देखिएको छ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.