‘निर्वाचन सफल पार्न सबैको सक्रियता अनिवार्य’

Share this
684shares
मुलुकी खबर
मुलुकी खबर
clock२०८२ फागुन ८, शुक्रबार १८:४१

विराटनगर । आगामी फागुन २१ गते हुने प्रतिनिधिसभा निर्वाचन निष्पक्ष, शान्तिपूर्ण र भयरहित वातावरणमा सम्पन्न गराउन सबै सरोकारवालालाई सक्रिय भूमिका निर्वाह गर्न आग्रह गरिएको छ ।

निर्वाचन आयोग र नेपाल कानुन समाजले विराटनगरमा शुक्रबार आयोजना गरेको ‘निर्वाचन आचारसंहिता कार्यान्वयन र सरोकारवालाको भूमिका’ विषयक अन्तरक्रिया कार्यक्रममा कार्यवाहक प्रमुख निर्वाचन आयुक्त रामप्रसाद भण्डारीले निर्वाचनलाई सहज र व्यवस्थित रूपमा सम्पन्न गराउन सबै राजनीतिक दल र उम्मेदवारलाई आचारसंहिता पालन गर्न आग्रह गरेका छन् ।

भण्डारीले उल्लंघन भएका ठाउँमा कडा कारबाही सुनिश्चित गर्न अनुगमनकर्तालाई सक्रिय हुन पनि अनुरोध गरेका छन् । उनले निर्वाचनमा भारतीय नम्बर प्लेट भएका सवारीसाधन प्रयोग नगर्न उम्मेदवार र दलहरू सचेत गराए ।

यसपालि निर्वाचन खर्च मितव्ययी हुने बताउँदै उनले अनुमानित खर्च १ अर्बसम्म पुग्ने सम्भावना रहेको जानकारी दिए । साथै, उम्मेदवारहरूले गाउँघरमा आयोजना गर्ने वनभोज कार्यक्रममा अतिरिक्त खर्च हुने भएकाले यसमा पनि सचेत रहनुपर्नेमा जोड दिए ।

भण्डारीले निर्वाचन आचारसंहिता उल्लंघन भए तत्कालै कारबाही गर्न जिल्लास्थित निर्वाचन अनुगमन समितिलाई निर्देशन दिएका छन् । कार्यवाहक निर्वाचन आयुक्त भण्डारीले निर्वाचन आचारसंहिताको पालनाबिना निर्वाचनमा स्वच्छ प्रतिष्पर्धाको वातावरण तयार हुन नसक्ने स्पष्ट पारेका छन् ।

आचारसंहिता उल्लंघन गर्नेलाई ठाउँका ठाउँ कारबाही गर्न उनको निर्देशन छ । निर्वाचन आयोगमा देशभरबाट आचारसंहिता उल्लंघनका उजुरी दैनिक रूपमा बढिरहेको जानकारी पनि उनले दिए । उनका अनुसार निर्वाचन आचारसंहिता उल्लंघनमा तत्कालै कारबाही गर्न जिल्ला निर्वाचन आचारसंहिता अनुगमन समितिलाई पूर्ण अधिकार छ ।

आचारसंहिता पालना नभएमा लय बिग्रने भएकाले देशलाई लयमा राख्न र निर्वाचनको वातावरण बनाउन सबै पक्षले निर्वाचन आचारसंहिता पालना गर्न जरुरी रहेको भण्डारीको भनाइ थियो । भदौ २३ र २४ को घटनापछि नेपाली समाज आक्रोशित र विद्रोही भएको भण्डारीले बताए ।

उनले आक्रोश र विद्रोहलाई शान्त पार्न पनि आकस्मिक रूपमा निर्वाचन गर्नुपरेको उल्लेख गरे । अहिलेको निर्वाचनले संविधान र देशलाई लयमा ल्याउने तथा संविधान जोगाउने उनको भनाइ छ । भण्डारीले निर्वाचनको सबै तयारी पूरा भइसकेकाले अब मतदान गर्ने, मतगणना गर्ने लगायतका काम मात्रै बाँकी रहेको जानकारी दिए ।

कोशी प्रदेशका आन्तरिक मामिला तथा कानुनमन्त्री इन्द्रमणी पराजुलीले निर्वाचनका लागि कोशी प्रदेशको सुरक्षा व्यवस्था सुदृढ रहेको बताए । निर्वाचन सफल पार्न सबैले उत्साहपूर्वक लाग्नुपर्ने उनको भनाइ छ । पराजुलीले मुलुकलाई राजनीतिक निकास दिन र संविधानको सफल कार्यान्वयनमा निर्वाचनले महत्वपूर्ण भूमिका खेल्ने उल्लेख गरे ।

मन्त्री पराजुलीले प्रदेश सरकारले स्वच्छ, शान्तिपूर्ण र भय रहित वातावरणमा निर्वाचन सम्पन्न गर्न पूर्ण सहयोग गरिरहेको बताए । यसमा कुनै कमी हुन नदिन प्रदेश सरकार प्रतिबद्ध रहेको उनको भनाइ छ ।

प्रदेशका पर्यटन, वन तथा वातावरणमन्त्री भीम पराजुलीले निर्वाचनमा आचारसंहिता अनुगमनका लागि छुट्टै संयन्त्र निर्माण गर्नुपर्ने सुझाव दिए । उनले प्रदेश सरकार निर्वाचनलाई निष्पक्ष, भय रहित र शान्तिपूर्ण बनाउन प्रतिबद्ध रहेको बताए ।

प्रदेशका प्रमुख सचिव राजेन्द्रप्रसाद पौडेलले सबै दल र उम्मेदवारले आचारसंहिता पालनमा सहयोग गर्नुपर्नेमा जोड दिएका छन् । कार्यक्रममा नेपाल कानुन समाजका निर्देशक गणेशमान प्रधान, प्रदेश निर्वाचन अधिकारी चोलाराज दंगाल, पूर्वकानुन सचिव फणिन्द्र गौतम र आयोगका सहसचिव यज्ञप्रसाद भट्टराईले निर्वाचन आचारसंहिता, उम्मेदवार खर्च र प्रचारप्रसारसम्बन्धी विषयमा कार्यपत्र प्रस्तुत गरेका थिए ।

अन्तरक्रिया कार्यक्रममा मोरङका सुरक्षा निकायका प्रमुख, विभिन्न जिल्लाका मुख्य निर्वाचन अधिकृत, निर्वाचन कार्यालयका प्रमुख, अधिवक्ता, संघ संस्थाका प्रमुख एवं प्रतिनिधिलगायतले निर्वाचनका लागि शान्तिपूर्ण र निष्पक्ष वातावरण सुनिश्चित गर्नुपर्ने साझा प्रतिबद्धता जनाएका छन् । आगामी प्रतिनिधिसभा निर्वाचनलाई व्यवस्थित, पारदर्शी, शान्तिपूर्ण र निष्पक्ष बनाउन सबै पक्षको भूमिका महत्वपूर्ण हुने सरोकारवालाहरुले बताएका छन् ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.