पथरीशनिश्चरेमा ट्याक्टरले अटाेलाई ठक्कर दिँदा एक जनाको मृत्यु, तीन जना घाइते

Share this
656shares
मुलुकी खबर
मुलुकी खबर
clock२०८२ फागुन ८, शुक्रबार २०:२७

विराटनगर । मोरङको पथरीशनिश्चरे नगरपालिका–६ जय चौकमा शुक्रबार साँझ ट्याक्टरले अटो रिक्सालाई ठक्कर दिँदा एक जनाको घटनास्थलमै मृत्यु भएको छ भने अन्य तीन जना घाइते भएका छन् ।

प्रहरीका अनुसार शुक्रबार साँझ करिब ६ः१० बजे हसनदह–अमरदह सडकखण्डमा ढुंगा लोड गरेर हसनदहबाट अमरदहतर्फ जाँदै गरेको को २ त ७८३८ नम्बरको ट्याक्टरले पूर्वबाट उत्तरतर्फ मोडिदै गरेको को १ ह ६१२२ नम्बरको अटोलाई ठक्कर दिएको थियो । दुर्घटनामा अटो चालक पथरीशनिश्चरे–६ का १८ वर्षीय छोरा सुदीप थापाको मृत्यु भएको हो ।

ठक्करपछि अटोबाट उछिट्टिएर सडकमा लडेका थापालाई ट्याक्टरको पछाडिको ट्रलीको चक्काले टाउकोमा किच्दा घटनास्थलमै ज्यान गएको प्रहरीले जनाएको छ । दुर्घटनामा अटोमा सवार अन्य तीन जना किशोरहरू घाइते भएका छन् ।

घाइते हुनेहरूमा पथरीशनिश्चरे–६ का १५ वर्षीय अर्जुन चौधरी, १७ वर्षीय मिलन सतार र १७ वर्षीय इन्द्र हेमरन रहेका छन् । उनीहरू तीनै जनाको अवस्था सामान्य रहेको र उपचारका लागि नगर अस्पताल पथरी पठाइएको प्रहरीले जनाएको छ ।

दुर्घटनापछि ट्याक्टरको ट्रली सडकमै पल्टिएको थियो । ट्याक्टर चालक पथरीशनिश्चरे–५ का २८ वर्षीय राजु दर्जीलाई प्रहरीले पक्राउ गरेर घटनाको अनुसन्धान सुरु गरेको छ ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.