प्रधानन्यायाधीश राउतको कार्यकालमै संसद् विघटन मुद्दा टुंगिने सम्भावना समाप्त

Share this
680shares
मुलुकी खबर
मुलुकी खबर
clock२०८२ फागुन ९, शनिबार ०७:२१

काठमाडौं । संसद् विघटनविरुद्ध दायर रिटमा प्रधानन्यायाधीश प्रकाशमानसिंह राउतको कार्यकालभित्र सुनुवाइ हुने सम्भावना लगभग समाप्त भएको छ ।

सर्वोच्च अदालतले रिट निवेदकहरूलाई फागुन २२ गतेका लागि साधारण तारिख तोकेपछि अब उनको कार्यकालमै मुद्दा टुंगिने अवस्था नरहेको देखिएको हो । सर्वोच्च अदालत स्रोतका अनुसार प्रधानन्यायाधीश राउत फागुन १८ गतेपछि कुनै पनि मुद्दा नहेर्ने मनस्थितिमा छन् ।

उनको अवकाश चैत १८ गतेबाट लागू हुँदैछ । अवकाशको १ महिना अघिबाटै मुद्दा नहेर्ने तयारी भएपछि संसद् विघटनसम्बन्धी मुद्दाको सुनुवाइ राउतको नेतृत्वमा अघि नबढ्ने स्पष्ट भएको छ । चुनावपछि नयाँ प्रतिनिधिसभा गठन हुने भएकाले पनि रिटको औचित्य स्वतः समाप्त हुने तर्क अदालत स्रोतले गरेको छ ।

यसअघि माघ २०, माघ २८ र फागुन ८ गतेका लागि तारिख दिइएको थियो । सामान्यतः एक साताको अन्तरमा तारिख तोक्ने प्रचलन रहे पनि यसपटक दुई सातापछिको मिति तोकिएको छ । प्रारम्भिक सुनुवाइमा राष्ट्रपति, प्रधानमन्त्री, तत्कालीन सभामुख र निर्वाचन आयोगसँग माग गरिएको लिखित जवाफ भने अदालतमा पेस भइसकेको छ।

रिट निवेदक वरिष्ठ अधिवक्ता दिनेश त्रिपाठी र अधिवक्ता कीर्तिनाथ शर्मा पौडेलले निर्वाचनअघि फैसला नभएपछि मुद्दा निष्प्रयोजन बनेको बताएका छन् । उनीहरूका अनुसार सर्वोच्च अदालतले संविधानको व्याख्या गरी दीर्घकालीन मार्गदर्शन दिन सक्ने अवसर गुमाएको छ । संवैधानिक इजलासबाट ‘एमीकस क्यूरी’ झिकाउने, मन्त्रिपरिषद्को निर्णय फाइल तथा राष्ट्रपतिको सदर निर्णय झिकाउने प्रक्रिया अझै बाँकी रहेको छ ।

‘जेनजी’ आन्दोलनपछि गत भदौ २४ गते तत्कालीन प्रधानमन्त्री केपी शर्मा ओलीले राजीनामा दिएलगत्तै संसद् विघटन गरिएको थियो । त्यसविरुद्ध कानुन व्यवसायी, एमाले र कांग्रेसका नेतासहित १६ वटा रिट तथा ५७ सांसदको हस्ताक्षरसहित पूरक निवेदन सर्वोच्चमा दर्ता भएका थिए ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.