प्रतिनिधिसभा निर्वाचन : मतदान केन्द्रमा महिला कर्मचारी मात्रै

Share this
748shares
मुलुकी खबर
मुलुकी खबर
clock२०८२ फागुन ९, शनिबार ०८:३८

धनकुटा । धनकुटामा प्रतिनिधिसभा सदस्यको निर्वाचनका लागि मतदानको तयारी तीव्र भएको छ ।

निर्वाचनका लागि ११९ मतदानस्थलमा १६६ मतदान केन्द्र कायम गरिएको छ । जिल्ला कारागार र गोकुण्डेश्वर माविमा दुई अस्थायी मतदान केन्द्र थपिएका छन् । अस्थायी केन्द्रमा समानुपातिक मतका लागि मात्र मतदान हुनेछ । जहाँ कारागारमा कैदीबन्दी र गोकुण्डेश्वर माविमा सामान्य कर्मचारी एवं सुरक्षाकर्मीले मतदान गर्नेछन् ।

प्रत्येक मतदान केन्द्रमा छ जना कर्मचारी खटाइने व्यवस्था छ । एक मतदान अधिकृत, एक सहायक मतदान अधिकृत, तीन सहायक कर्मचारी र एक सहयोगी कर्मचारी । यद्यपि, यसपटक धनकुटामा एउटा मतदान केन्द्र सम्पूर्ण कर्मचारी महिला मात्रै रहेका छन् ।

धनकुटा नगरपालिका–६ स्थित बहुउदेश्य सामुदायिक भवन आँखा अस्पताल ‘क’ मतदान केन्द्रमा मतदान संचालन गर्ने सम्पूर्ण जिम्मेवारी महिला कर्मचारीहरूले सम्हालेका हुन् । यस केन्द्रमा मतदान अधिकृत इन्दिरा खड्का बुढाथोकी, सहायक मतदान अधिकृत निलुशा अधिकारी, सहायक कर्मचारी रिता पाण्डे, रमा ढुंगाना, अम्बिका राई र सहयोगी कर्मचारी सीता राई रहनेछन् ।

मुख्य निर्वाचन अधिकृत हरिशचन्द्र इङ्नामका अनुसार धनकुटा जिल्लामा कुल १ हजार २ कर्मचारी मतदानका लागि खटाइने छन् । १६६ मतदान केन्द्रमा उपसचिव, शाखा अधिकृत र छैठौं तहका अधिकृतलाई मतदान अधिकृतको रूपमा खटाइएको छ ।

सहायक मतदान अधिकृतका लागि नायब सुब्बा स्तरका कर्मचारी, सहायक कर्मचारीका लागि खरिदार स्तरका कर्मचारी र शिक्षक, तथा सहयोगी कर्मचारीका लागि कार्यालय सहयोगी खटाइएका छन् । धनकुटा जिल्लामा कुल १ लाख १८ हजार ४ सय २५ मतदाता रहेका छन् ।

प्रतिनिधिसभा सदस्यको निर्वाचनका लागि १४ राजनीतिक दलका र ३ जना स्वतन्त्र गरी १७ जना उम्मेदवार छन् । मतदान केन्द्रमा महिला मात्रै खटाउनुले निर्वाचन प्रक्रियामा नयाँ अध्याय थप्दै महिलाहरूको नेतृत्व र सहभागीता प्रदर्शन गरेको छ ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.