रौतहटको गौरमा अनिश्चितकालीन कर्फ्यु आदेश जारी

Share this
723shares
मुलुकी खबर
मुलुकी खबर
clock२०८२ फागुन ९, शनिबार १३:२३

गौर । रौतहटको सदरमुकाम गौरमा दुई समुदायबीचको विवादले उग्र रूप लिएपछि जिल्ला प्रशासन कार्यालयले शनिबार दिउँसो १ बजेदेखि लागू हुने गरी अनिश्चितकालीन कर्फ्यु आदेश जारी गरेको छ। जिल्ला सुरक्षा समितिको बैठकले स्थिति नियन्त्रणबाहिर जान सक्ने आकलन गर्दै गौर नगरपालिकाका विभिन्न क्षेत्रलाई समेटेर यो आदेश जारी गरेको हो।

प्रशासनले पूर्वमा मुडवलवा गेट, पश्चिममा ललवैया बाँध, उत्तरमा बम नहर र दक्षिणमा गौर भन्सार कार्यालयको गेटसम्मको क्षेत्रमा मानिसहरूको आवतजावत र भेला हुन पूर्ण रोक लगाएको छ। कर्फ्यु उल्लंघन गर्ने जोकोहीलाई कानुन बमोजिम कडा कारबाही गरिने चेतावनी प्रमुख जिल्ला अधिकारी दिनेश सागर भुसालले दिएका छन्।

यो तनावको सुरुवात गौर नगरपालिका–६ सवगढाबाट भएको देखिएको छ। शुक्रबार साँझ प्रशासनको मध्यस्थतामा दुई पक्षबीच ६ बुँदे सहमति भए पनि शनिबार बिहानैदेखि पुनः ढुङ्गामुढा सुरु भएपछि अवस्था तनावग्रस्त बनेको हो।

अहिले घटनास्थलमा ठूलो संख्यामा नेपाल प्रहरी र सशस्त्र प्रहरी परिचालन गरिएको छ। जिल्ला प्रहरी प्रमुख एसपी सिताराम रिजाल र सशस्त्र प्रहरीका एसपी रामहरि अधिकारी आफैँ फिल्डमा खटिएर स्थितिलाई सामान्य बनाउने प्रयास गरिरहेका छन्।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.