
मकवानपुर। पूर्वपश्चिम राजमार्गअन्तर्गत मकवानपुरको मनहरि गाउँपालिका–७ बिजौनास्थित सडकमा आज (आइतबार) बिहान एउटा यात्रुवाहक बस दुर्घटना भएको छ।
वीरगन्जबाट चितवनतर्फ गइरहेको बाप्र०६–००१ख ००५४ नम्बरको बस अनियन्त्रित भई सडक किनारको विद्युत् पोलमा ठोक्किँदा २२ जना यात्रु घाइते भएका छन्।
मकवानपुर जिल्ला प्रहरी कार्यालयका प्रवक्ता प्रहरी नायब उपरीक्षक पुष्कर बोगटीका अनुसार बस सडकको बायाँ साइडमा रहेको पोलमा ठोक्किएको थियो।
दुर्घटना लगत्तै प्रहरी र स्थानीयले घाइतेहरूको उद्धार गरेका थिए। घाइते सबैलाई उपचारका लागि चितवनका विभिन्न अस्पताल पठाइएको प्रहरीले जनाएको छ।

























