
विराटनगर । राष्ट्रिय स्वतन्त्र पार्टी (रास्वपा) का नेता ठगेन्द्र न्यौपाने नेकपा एमालेमा प्रवेश गरेका छन् । रास्वपा कोशी प्रदेश सदस्य न्याैपानेलाई एमाले अध्यक्ष केपी शर्मा ओलीले पार्टीमा स्वागत गरे ।
न्यौपानेले २०७९ सालको प्रतिनिधिसभा निर्वाचनमा मोरङ–२ बाट रास्वपाका उम्मेदवारका रूपमा प्रतिस्पर्धा गरेका थिए । प्रतिस्पर्धामा उनी तेस्रो भएका थिए ।
मोरङको रतुवामाई–९, भौडाहा निवासी उनी रास्वपा स्थापनाकालदेखि नै संगठन विस्तारमा थिए । यसपटक उनी उम्मेदवारका आकाङक्षी थिए । पार्टीले कृष्ण कार्कीलाई टिकट दिएपछि उनले रास्वपा छाडेका हुन् । कार्कीमाथि जेनजी आन्दाेलनका क्रममा संसद भवन जलाउने कार्यमा संलग्न भएकाे आराेप छ ।
























