दुर्घटनामा परेर मतदान अधिकृत र असईको मृत्यु

Share this
701shares
मुलुकी खबर
मुलुकी खबर
clock२०८२ फागुन १८, सोमबार २२:३२

काठमाडौं । रामेछापमा भएको सवारी दुर्घटनामा मतदान अधिकृत र असईको मृत्यु भएको छ । मृत्यु हुनेमा असई पर्शुराम यादव र मतदान अधिकृत एवम् शिक्षक डोरप्रसाद घिमिरे रहेको प्रहरीले जनाएको छ ।

निर्वाचन सामग्रीसहित कर्मचारी र प्रहरी चढेको गाडी रामेछाप नगरपालिका–२ स्थित देउरालीमा सोमबार दिउँसो दुर्घटना भएको थियो । दुई वटा बुथका कर्मचारी र सामग्री बोकेर गाडी जाँदै थियो ।

दुर्घटनामा घाइते भएका ७ जनालाई उद्धार गरी मन्थली विमानस्थलबाट सेनाको हेलिकोप्टरमा काठमाडौं लगिएको छ। घाइते हुनेमा शिक्षकद्वय भीमबहादुर मानन्धर, कृष्णप्रसाद घिमिरे, चालक सम्बरबहादुर मानन्धर, दुर्गा कार्की, सविना खड्का, केदारकुमार रोका र पूजादेवी सुनुवारको छाउनी अस्पतालमा उपचार भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.