
काठमाडौं । नेपाली कांग्रेसका नेता अर्जुननरसिंह केसीले पार्टीको प्रतिनिधिसभा संसदीय दलको नेतामा आफ्नो दाबी रहने बताएका छन् । फागुन २१ गते सम्पन्न निर्वाचनमा समानुपातिक प्रणालीबाट सांसद निर्वाचित केसीले शुक्रबार सानेपामा सुरु भएको केन्द्रीय कार्यसमिति बैठकमा सहभागी हुन जाने क्रममा यस्तो घोषणा गरेका हुन् ।
सञ्चारकर्मीहरूसँग कुरा गर्दै नेता केसीले संसदीय दलको नेताका लागि आफ्नो दाबेदारी स्वाभाविक भएको जिकिर गरे । आफू पार्टीको सबैभन्दा वरिष्ठ नेतामध्येको एक भएको र संसदीय अभ्यासमा लामो अनुभव रहेको उनले बताए ।
केसीले सन् १९९० (वि.सं. २०४७) देखिको संसद्लाई काँध हाल्ने नेताहरूमध्ये आफू पनि एक भएको स्मरण गर्दै आफ्नो इतिहास र योगदानका आधारमा यो पदमा दाबी गरेको प्रस्ट पारे । कांग्रेसभित्र संसदीय दलको नेता चयनका विषयमा चर्चा सुरु भइरहेका बेला केसीको यो भनाइलाई अर्थपूर्ण रूपमा हेरिएको छ ।
























