
काठमाडौं । नेकपा (एमाले)को संसदीय दलको बैठक आज (बुधबार) दिउँसो ३ बजे पार्टी केन्द्रीय कार्यालय च्यासलमा बस्ने भएको छ ।
मंगलबार बसेको पार्टी सचिवालय बैठकको निर्णयअनुसार आह्वान गरिएको उक्त बैठकले संसदीय दलको नयाँ नेता चयन गर्ने बताइएको छ । पार्टीका एक नेताका अनुसार बैठकमा दलभित्रको नेतृत्व संरचना टुंग्याउने विषय मुख्य एजेन्डा रहनेछ ।
यसैबीच, सचिवालय बैठकले अध्यक्ष एवं पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक पक्राउको विरोधमा राजनीतिक तथा कानुनी प्रतिवादलाई निरन्तरता दिने निर्णय गर्दै विभिन्न आन्दोलनका कार्यक्रम पनि सार्वजनिक गरेको छ । दलको बैठकलाई एमालेभित्रको आगामी रणनीति र नेतृत्व सन्तुलनका दृष्टिले महत्वपूर्ण रूपमा हेरिएको छ ।
























