गजलः मनमा जब भुइँचालो जान्छ

घरीघरी जाँदैछ मनमा भुइँचालो आजभोलि
कसैले बुन्दैछ सन्त्रासको जालो आजभोलि।

शक्तिहरूबीच प्रदर्शनी विश्वव्यापी भएपछि
आउँदैन गरिबको रमाउने पालो आजभोलि।

धकेलिँदैछ भविष्य सङ्कटको खाडलतिर
चेतनाको रङ्गीन देखिँदैछ कालो आजभोलि।

धसिँदैछ अहङ्कारको बाढीले योग्य छाती
साहसी मुलुकले गर्दैछ उखालो आजभोलि।

बर्खाको जुकोझैँ सल्बलाए खुनका पिपासा
आउँदैछ नाकसम्म रगत आलो आजभोलि।