कांग्रेस आधिकारिकता विवादः सर्वोच्चद्वारा विपक्षीलाई पेसीको सूचना दिन आदेश

Share this
811shares
मुलुकी खबर
मुलुकी खबर
clock२०८२ चैत २७, शुक्रबार १५:२७
प्रहरीको काम कारबाही नागरिकले रेकर्ड गर्न पाउनुपर्ने मागमा सर्वोच्चद्वारा कारण देखाऊ आदेश

काठमाडौं। नेपाली कांग्रेसको आधिकारिकता विवाद र महाधिवेशन तयारी रोक्न माग गर्दै दायर दुई छुट्टाछुट्टै रिटमा सर्वोच्च अदालतले शुक्रबार विपक्षीलाई पेसीको सूचना दिने आदेश गरेको छ। कायममुकायम प्रधानन्यायाधीश सपना प्रधान मल्ल र न्यायाधीश मेघराज पोखरेलको इजलासमा यो पेसी तोकिएको थियो।

शेरबहादुर देउवा पक्षले सभापति गगन थापा पक्षले महाधिवेशनको तयारी गर्न थालेपछि त्यसलाई रोक्न माग गर्दै पूरक रिट दायर गरेको हो। यसअघि नै दायर भएको विवादमा यो पूरक निवेदन दर्ता गरिएको थियो। देउवा र पूर्णबहादुर खड्काको वारेस श्रवणकुमार श्रेष्ठले चैत २५ गते रिट दायर गरेका थिए।

रिटमा तत्कालीन महामन्त्रीद्वय गगन थापा र विश्वप्रकाश शर्माको अगुवाइमा देउवाको असहमतिका बीच विशेष महाधिवेशन गरेर चयन गरिएको नयाँ कार्यसमिति अवैधानिक भएको दाबी गरिएको छ। सोही कार्यसमितिलाई निर्वाचन आयोगले अद्यावधिक गरेको निर्णय बदर गर्न समेत माग गरिएको छ। २०८२ माघ ४ मा थापालाई आधिकारिकता दिने निर्णयविरुद्ध पनि रिट दायर भएको थियो।

सर्वोच्च अदालतले यसअघि नै कांग्रेसको आधिकारिकता विवादमा अन्तरिम आदेश दिन अस्वीकार गरेको थियो। २०८२ माघ ६ मा न्यायाधीश सुनिलकुमार पोखरेलको एकल इजलासले निर्वाचन आयोग र सभापति थापासँग लिखित जवाफ माग गरेको थियो। लिखित जवाफ पेस भएसँगै शुक्रबारको सुनुवाइमा पेसीको सूचना दिने आदेश भएको हो।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.