हत्या आरोपमा गाउँपालिका उपाध्यक्ष पक्राउ

Share this
721shares
मुलुकी खबर
मुलुकी खबर
clock२०८३ बैशाख ४, शुक्रबार ०६:४९

कैलाली । कञ्चनपुरको बेलडाँडी गाउँपालिकाकी उपाध्यक्ष शान्ति नाथ हत्या आरोपमा पक्राउ परेकी छन् । प्रहरीका अनुसार उनलाई बिहीबार महेन्द्रनगरबाट नियन्त्रणमा लिइएको हो ।

कञ्चनपुरका प्रहरी प्रवक्ता डीएसपी हेमबहादुर शाहीका अनुसार ज्यानसम्बन्धी मुद्दामा अनुसन्धानका लागि नाथलाई हिरासतमा राखिएको छ । उक्त मुद्दा इलाका प्रहरी कार्यालय बेलडाँडीमा दर्ता भएको जानकारी उनले दिए ।

घटना करिब एक वर्षअघिको हो । गत वर्ष वैशाख ९ गते बेलौरी नगरपालिका–१० शिवनगरस्थित घटियाघाट रोड नजिकै हरिकिसन राना मोटरसाइकलसहित जलेको अवस्थामा मृत फेला परेका थिए । घटनास्थल सडक छेउमै भएकाले सुरुदेखि नै दुर्घटना वा हत्या भन्ने कोणबाट अनुसन्धान हुँदै आएको थियो ।

मृतककी पत्नी फिरियादेवीले उपाध्यक्ष नाथविरुद्ध योजनाबद्ध रूपमा धम्की दिएको, आर्थिक लेनदेनका लागि दबाब दिएको र ज्यान मार्ने षड्यन्त्र गरेको आरोप लगाउँदै किटानी जाहेरी दिएकी थिइन् । कृषि अनुदान दिलाउने बहानामा रकम असुल्न खोजिएको र नदिँदा धम्की दिएको जाहेरीमा उल्लेख छ ।

यसैबीच, घटनाको निष्पक्ष छानबिन र दोषीलाई कारबाहीको माग गर्दै नेपाल राना थारु समाजले प्रमुख जिल्ला अधिकारीसमक्ष ज्ञापनपत्रसमेत बुझाएको थियो । प्रहरी नियन्त्रणमा रहेकी नाथको स्वास्थ्यमा समस्या देखिएपछि उनलाई महाकाली प्रादेशिक अस्पतालमा उपचारका लागि भर्ना गरिएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.