इन्साइडर ट्रेडिङ प्रकरणमा शेखर गोल्छा पक्राउ

Share this
710shares
मुलुकी खबर
मुलुकी खबर
clock२०८३ बैशाख १०, बिहीबार १९:०८

काठमाडौं । व्यवसायी तथा नेपाल उद्योग वाणिज्य महासंघका पूर्वअध्यक्ष शेखर गोल्छा पक्राउ परेका छन् ।

नेपाल प्रहरीको केन्द्रीय अनुसन्धान ब्यूरो (सीआईबी)को टोलीले बिहीबार उनलाई काठमाडौंको नक्सालस्थित नारायणचौर क्षेत्रबाट पक्राउ गरेको हो । हिमालयन रिइन्स्योरेन्स लिमिटेडको सेयर कारोबारमा इन्साइडर ट्रेडिङ (भित्री कारोबार) गरेको आरोपमा नेपाल धितोपत्र बोर्ड (सेबोन)ले थप अनुसन्धानका लागि सिफारिस गरेपछि पक्राउ प्रक्रिया अघि बढाइएको प्रहरी स्रोतले जनाएको छ ।

सोही आधारमा जिल्ला अदालत काठमाडौंबाट पक्राउ अनुमति समेत प्राप्त भएपछि सीआईबीले उनलाई नियन्त्रणमा लिएको हो । प्रारम्भिक अनुसन्धान अनुसार गोल्छा हिमालयन रिइन्स्योरेन्स कम्पनीका तत्कालीन अध्यक्ष रहेको समयमा कम्पनीको सेयर कारोबारसँग सम्बन्धित संवेदनशील सूचनाको दुरुपयोग गरी अनियमित लाभ लिएको आशंका गरिएको छ ।

यसै प्रकरणमा सम्पत्ति शुद्धीकरण अनुसन्धानको सिलसिलामा हिरासतमा रहेका विवादित व्यवसायी दीपक भट्टसँगको व्यावसायिक सम्बन्ध र कारोबारमा पनि उनको संलग्नता देखिएको दाबी अनुसन्धान निकायले गरेको छ । उद्योग वाणिज्य क्षेत्रका प्रभावशाली व्यक्तित्वसमेत रहेका गोल्छाको पक्राउपछि निजी क्षेत्र र व्यवसायिक सर्कलमा व्यापक चासो बढेको छ ।

अनुसन्धान प्रक्रिया जारी रहेको र थप विवरणहरू अनुसन्धानपछि सार्वजनिक गरिने प्रहरी स्रोतले जनाएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.