
विराटनगर । विराटनगरस्थित बाल सुधारगृहबाट एक बालक फरार भएका छन् ।
कानुनी विवादमा परेका सप्तरी कल्याणपुर गाउँपालिका–१ घर भएका १५ वर्षीय बालक उपचारका लागि अस्पताल लगिएका बेला बुधबार दिउँसाे करिब ३ बजे भागेका हुन् । स्वास्थ्य परीक्षणपछि शौचालय गएका बेला उनी भेन्टिलेसनबाट फरार भएको प्रहरीले जनाएको छ ।
फरार बालकको खोजी जारी रहेको र उनको सम्भावित आवतजावत हुने क्षेत्रहरूमा निगरानी बढाइएको प्रहरीले जनाएको छ ।



















