रास्वपाको बैठक बस्दै

काठमाडौं । राष्ट्रिय स्वतन्त्र पार्टी (रास्वपा)को केन्द्रीय समिति बैठक आज (बुधबार) काठमाडौंको वनस्थलीस्थित पार्टी कार्यालयमा बस्दैछ । बैठक बिहान ९ बजेबाट सुरु हुने पार्टीले जनाएको छ ।

नेताहरुका अनुसार बैठकमा आगामी केन्द्रीय महाधिवेशनको मिति निर्धारण, सरकार सञ्चालनमा पार्टीको भूमिका तथा संसद्को चालु बर्खे अधिवेशनका विषयमा विस्तृत छलफल हुनेछ । महाधिवेशनको तयारी, संगठनात्मक सुदृढीकरण र समसामयिक राजनीतिक अवस्थाबारे पनि बैठकमा समीक्षा गरिने बताइएको छ ।

Advertisement

बैठकमा केन्द्रीय समितिका सबै सदस्यहरूलाई अनिवार्य उपस्थित हुन निर्देशन दिइएको छ । पार्टी नेतृत्वले महाधिवेशनको मिति तय गर्ने विषयलाई प्राथमिकतामा राखेको छ भने सरकारमा सहभागिताको अनुभव र आगामी रणनीतिका बारेमा समेत छलफल हुने जनाइएको छ ।