विपक्षीहरूको नाराबाजीबीच प्रतिनिधिसभा नियमावली पारित

Share this
809shares
मुलुकी खबर
मुलुकी खबर
clock२०८३ जेठ १७, आइतबार २१:३७

काठमाडौं । प्रतिनिधिसभाले विपक्षीहरूको नाराबाजीबीच प्रतिनिधिसभा नियमावली पारित गरेको छ । आइतबार बसेको बैठकले विपक्षी सांसदको बेल घेराउ र नाराबाजीकाबीच नियमावली पारित गरेको हो । नियमावलीले सांसदहरूका लागि विशेषाधिकार प्रदान गरेको छ ।

नियमावलीको नियम २५९ मा को उपदफा १ मा भनिएको छ, ‘प्रचलित कानुनमा जुनसुकै कुरा लेखिएको भएता पनि सभा, समिति र सदस्यको हकमा यो नियमावली संघीय कानुनको रूपमा रही विशेष कानुनसरह लागु हुनेछ ।’

उपदफा २ मा थप भनिएको छ, ‘यो नियमावली प्रतिनिधिसभा सदस्यको विशेषाधिकारको रूपमा रहनेछ ।’

नियम २६० मा नियमावलीको व्याख्या छ । जहाँ भनिएको छ, ‘यस नियमावलीको व्याख्या गर्ने अधिकार सभामुखलाई हुनेछ र निजको निर्णय अन्तिम हुनेछ । त्यस्तो निर्णयको जानकारी बैठकलाई दिनुपर्नेछ ।’

अर्थात, नियम २५९ बमोजिम अन्य प्रचलित कानुनमा जुनसुकै कुरा लेखिएको भएता पनि सभा, समिति र सदस्यको हकमा नियमावली विशेष कानुनसरह लागु हुनेछ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.