कोशी प्रदेशमा रास्वपा : उदयपुर बाहेक जिल्लामा नयाँ नेतृत्व

विराटनगर । राष्ट्रिय स्वतन्त्र पार्टी (रास्वपा)ले कोशी प्रदेशका १३ जिल्लामा अधिवेशन सम्पन्न गरेकाे छ । एउटा जिल्लामा विवाद भएका कारण आज नयाँ नेतृत्वका लागि मतदान हुँदैछ ।

रास्वपा प्रदेश महामन्त्री तथा संगठन विभाग प्रमुख लालविक्रम थापाका अनुसार झापाको सभापतिमा ओम भण्डारी, मोरङमा भरत कँडेल र सुनसरीमा सागर दाहाल निर्वाचित भएका छन् ।

Advertisement

ताप्लेजुङमा राजनकुमार गुरुङ, तेह्रथुममा सुमन खत्री, भोजपुरमा ख्यामबहादुर भुजेल र संखुवासभामा भक्तनारायण श्रेष्ठ जिल्ला सभातपि निर्वाचित भएका छन् ।

ओखलढुङ्गामा कृष्णबहादुर थापा, खोटाङमा मुकुन्दकृष्ण थापा र सोलुखुम्बुमा नारायणकाजी कार्की निर्वाचित भएका छन् । इलामको सभापतिमा दिनेश महत, पाँचथरमा प्रकाश गुरुङ र धनकुटामा भुवन थापा निर्वाचित भएका छन् ।

उदयपुरमा भने आइतबार केही विवाद भएपछि निर्वाचन प्रक्रिया रोकिएको थियो, जहाँ आज नेतृत्व चयनका लागि मतदान हुँदैछ ।

जिल्ला अधिवेशनहरू सम्पन्न भएसँगै रास्वपा कोशी प्रदेशको अधिवेशन आगामी जेठ २७ गते मोरङको सुन्दरहरैचामा हुने तय भएको छ । रास्वपाका प्रदेश महामन्त्री थापाका अनुसार प्रदेश अधिवेशनमा कोशीका विभिन्न जिल्लाबाट ३ हजारभन्दा बढी प्रतिनिधिहरू सहभागी हुनेछन् ।