२०८३ जेष्ठ २७, बुधबार १६:१५
काठमाडौं । कालीकोटको सान्नीत्रिवेणी गाउँपालिकामा बाघको आक्रमणबाट एक जना गम्भीर घाइते भएका छन् ।
सान्नीत्रिवेणी गाउँपालिका– ४ का नेत्रराज शाही बिहीबार (आज) बाघको आक्रमणमा परी घाइते भएको प्रहरीले जनाएको छ । प्रहरीका अनुसार बिहान करिब ७ बजेतिर आफ्नो घरमा पालेको बङ्गुर चराउन निस्किएका शाहीलाई सान्ती घाट राजमार्ग छेउमै बाघले अचानक आक्रमण गरेको थियो।
बाघको आक्रमणबाट शरीरका विभिन्न भागमा चोट लागेका शाहीको हाल रास्कोट अस्पतालमा उपचार भइरहेको प्रहरीले जनाएको छ ।
बस्ती नजिकै र राजमार्ग छेउमै बाघले आक्रमण गरेपछि स्थानीय बासिन्दा त्रसित बनेका छन् । पछिल्लो समय वन क्षेत्र आसपासका बस्तीहरूमा वन्यजन्तुको त्रास बढ्दै गएको स्थानीयले बताएका छन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
