हामीलाई बलियो काँग्रेस चाहिएको छ: मीन विश्वकर्मा 

विराटनगर । नेपाली काँग्रेसका नेता मीन विश्वकर्माले पार्टीभित्रको आन्तरिक कलह र नेतृत्वको कमजोरीका कारण काँग्रेसले आफ्नो साख गुमाउँदै गएको बताएका छन् ।  विराटनगरमा आयोजित पार्टी इतर पक्षको भेलालाई सम्बोधन गर्दै उनले अब पार्टीलाई बचाउन ‘बृहत् एकता’ को विकल्प नभएको बताए ।

८९ सिट भएको काँग्रेस अहिले यस्तो अवस्थामा पुग्यो कि सर्वदलीय बैठक समेत रास्वपाले बोलाउनु पर्ने भयो। यो काँग्रेसका लागि अत्यन्तै सर्मनाक अवस्था हो । काँग्रेस नेतृत्वलाई प्रश्न गर्दै उनले भने, ‘अहिले काँग्रेसको अवस्था कफी गफ गर्ने बेला हो कि गम्भीर भएर एकताको संवाद गर्ने बेला हो । टेलिभिजनमा बोल्ने र सार्वजनिक अभिव्यक्ति दिने तर सार्थक छलफल नगर्ने प्रवृत्तिले पार्टी चल्दैन।’

Advertisement

आगामी १५ औँ महाधिवेशनलाई लक्षित गर्दै सबैको सहभागिता सुनिश्चित हुने गरी बृहत् एकताको महाधिवेशन गर्नुपर्नेमा जोड दिए । ‘हामीलाई विभाजित काँग्रेस होइन, एकताबद्ध र बलियो काँग्रेस चाहिएको छ, उनले भने ।