२०८३ श्रावण १७, आइतबार ०७:४४
विराटनगर । मोरङको उर्लाबारीस्थित जनज्योति सामुदायिक वनबाट प्रहरीले भरुवा बन्दुक, बारुद र बन्दुकमा प्रयोग हुने सामग्री बरामद गरेको छ ।
चोरी सिकारी भइरहेको भन्ने विशेष सूचनाका आधारमा इलाका प्रहरी कार्यालय उर्लाबारीबाट वन क्षेत्रमा गस्ती गर्न टोली परिचालन गरिएको थियो । प्रहरीले शनिबार दिउँसो ४ः२५ बजेतिर बन्दुक बरामद गरेको हो ।
प्रहरी टोलीलाई देख्नासाथ सिकारीहरू बोरा छाडेर जंगलतर्फ फरार भएको मोरङ प्रहरीका सूचना अधिकारी डीएसपी मकेन्द्रकुमार मिश्रले बताए । बोरा खोलेर हेर्दा एक थान भरुवा बन्दुक, बन्दुकमा प्रयोग हुने धातुका १३ वटा टुक्रा तथा ४५ ग्राम ८८० मिलिग्राम बारुद फेला परेको जानकारी उनले दिए ।
बरामद गरिएका सामग्री नियन्त्रणमा लिएर इलाका प्रहरी कार्यालय उर्लाबारीमा राखिएको छ । घटनामा संलग्न व्यक्तिहरूको खोजी कार्य तीव्र पारेर यस विषयमा इन्स्पेक्टर नवीन वली नेतृत्वको टोलीले थप अनुसन्धान अघि बढाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी