जापानी इन्सेफ्लाइटिसबाट चार जनाको मृत्यु

Share this
712shares
मुलुकी खबर
मुलुकी खबर
clock२०८३ भदौ ४, बिहीबार २१:५७
जापानिज इन्सेफ्लाइटिसको उच्च जोखिम: ५० प्रतिशत सङ्क्रमितको मृत्यु

काठमाडौं। जापानी इन्सेफ्लाइटिसको सङ्क्रमणका कारण सप्तरी र कैलालीमा चार जनाको मृत्यु भएको छ। दुवै जिल्लामा दुई-दुई जनाको ज्यान गएको हो।

सप्तरीको तिलाठी कोइलाडी गाउँपालिका–१ का ७४ वर्षीय सत्यनारायण यादव र राजगढ गाउँपालिका–३ का १४ वर्षीय शिवकुमार रामको मृत्यु भएको जिल्ला स्वास्थ्य कार्यालय सप्तरीका स्वास्थ्य अधिकृत सतिश यादवले जानकारी दिए।

उनका अनुसार दुवै जनाको गत साउन २१ गते उपचारका क्रममा मृत्यु भएको हो। यादवको बीपी कोइराला स्वास्थ्य विज्ञान प्रतिष्ठान धरान र रामको गोल्डेन हस्पिटल विराटनगरमा उपचारका क्रममा मृत्यु भएको थियो।

यसैगरी कैलालीको घोडाघोडी नगरपालिकामा पनि जापानी इन्सेफ्लाइटिसबाट दुई जनाको मृत्यु भएको छ। घोडाघोडी–४ र ९ का ३४ र ७० वर्षीया महिलाको उपचारका क्रममा मृत्यु भएको नगरपालिकाका सिनियर अहेब मानबहादुर बोहराले बताए।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.