२०८३ आश्विन २१, बुधबार ०७:५१
काठमाडौं । पछिल्लो २४ घण्टामा कास्कीमा सबैभन्दा बढी वर्षा भएको छ । मौसम पूर्वानुमान महाशाखाका अनुसार कास्कीको मालेपाटनमा ६० मिलिमिटर वर्षा मापन भएको छ ।
मालेपाटनमा ५० मिलिमिटरभन्दा बढी वर्षा भएपछि उक्त क्षेत्रको वर्षालाई भारी वर्षाका रूपमा वर्गीकरण गरिएको छ । कास्कीकै पोखरा स्टेशनमा भने ४७ दशमलव ४ मिलिमिटर वर्षा मापन भएको छ ।
महाशाखाका अनुसार कास्कीबाहेक काठमाडौं, ललितपुर, चितवन र काभ्रेलगायत देशका विभिन्न स्थानमा पनि मध्यम वर्षा भएको छ । बधुबार पनि देशका केही स्थानमा भारीदेखि मध्यम वर्षाको सम्भावना रहेको महाशाखाले जनाएको छ ।
मौसमविद्हरूले २४ घण्टामा १० देखि ५० मिलिमिटरसम्म वर्षा भएमा मध्यम, ५० देखि १०० मिलिमिटरसम्म भएमा भारी, १०० देखि २०० मिलिमिटरसम्म भएमा धेरै भारी र २०० मिलिमिटरभन्दा बढी वर्षा भएमा अति भारी वर्षा भएको मान्ने गरेका छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×