बाढी प्रभावित क्षेत्रबाट सेनाद्वारा ३६ जनाको उद्धार

काठमाडौं । गोरखास्थित बूढीगण्डकी नदीमा आएको बाढीका कारण प्रभावितहरू स्थानीय बासिन्दालाई सेनाको टोलीले उद्धार गर्ने काम तीव्र पारेको छ ।

बाढीबाट प्रभावित भएकाहरुलाई हेलिकप्टर र पैदलमार्गबाट उद्धार गरिएको सेनाले जनाएको छ । सैनिक जनसम्पर्क तथा सूचना निर्देशनालयका अनुसार हालसम्म ३६ जनाको उद्धार गरिएको छ ।

बाढीको मुख्य प्रभावित क्षेत्र चुमनुब्री गाउँपालिकाबाट हेलिकप्टरमार्फत ४ जनाको उद्धार गरिएको छ । स्थलमार्गबाट खटिएको सैनिक टोलीले पहिरोको जोखिम रहेको जगत इलाकाबाट ६ जना, न्याक्फेदीबाट ९ जना तथा यारुबाट ९ जना र पायु भन्ने ठाउँबाट १२ जनाको उद्धार गरेको हो ।

यारुबाट १ जना शिशु र १ जना विदेशीको उद्धार गरिएको सेनाले जनाएको छ । सशस्त्र र नेपाल प्रहरीसँगको समन्वयमा खोज तथा उद्धारको काम भइरहेको सैनिक जनसम्पर्क तथा सूचना निर्देशनालयले जनाएको छ ।