बजेटप्रति असन्तुष्टि जनाउँदै एमाले सांसदको राजीनामा

कैलाली । सुदूरपश्चिम प्रदेशसभाका सदस्य वीरबहादुर थापाले सांसद पदबाट राजीनामा दिएका छन् । प्रदेश सरकारले ल्याएको बजेटप्रति असन्तुष्टि जनाउँदै आएका नेकपा (एमाले)का थापाले बजेट पारित भएलगत्तै पद त्यागेका हुन् ।

थापाले मंगलबार प्रदेशसभाका सभामुख भीमबहादुर भण्डारीसमक्ष आफ्नो राजीनामा बुझाएका छन् । प्रदेश सरकारले ल्याएको बजेटप्रति असन्तुष्टि व्यक्त गर्दै आएका उनले बजेट पारित भएपछि प्रदेशसभा सदस्यको जिम्मेवारीबाट अलग हुने निर्णय लिएका हुन् ।

थापा सुदूरपश्चिम प्रदेश सरकारमा लामो समय भूमि व्यवस्था, कृषि तथा सहकारीमन्त्रीका रूपमा समेत कार्यरत थिए । मन्त्री र सांसद दुवै भूमिकामा काम गरिसकेका उनले बजेटप्रतिको असन्तुष्टिलाई राजीनामामार्फत व्यक्त गरेका छन् ।