क्यानडाको सैन्य शिविरमा आगलागी, चार सैनिकको मृत्यु, १९ गम्भीर घाइते

शनिबार अपराह्न सैन्य प्रशिक्षण क्षेत्रमा सुरु भएको आगो तीव्र गतिमा फैलिँदा अभ्यासमा सहभागी सैनिकहरू प्रभावित भएका थिए । अधिकारीहरूका अनुसार घटनामा १९ जना गम्भीर घाइते भएका छन् ।

आगलागीको कारण पत्ता लगाउन कम्तीमा एक महिना लाग्न सक्ने मेजर जनरल वेड रटल्यान्डले बताएका छन् । प्रारम्भिक निरीक्षणका क्रममा ऊर्जा पूर्वाधारमा क्षति पुगेको सङ्केत नदेखिएको र घटनामा बाह्य हस्तक्षेपको आशङ्का नरहेको उनले स्पष्ट पारेका छन् ।

प्रधानमन्त्री कार्नीले घाइते सैनिकहरूको उपचारमा सरकारले आवश्यक सहयोग गर्ने प्रतिबद्धता व्यक्त गरेका छन् । घटनाप्रति नेटोको सैन्य समितिका अध्यक्षले पनि मृतकका परिवारजनप्रति समवेदना प्रकट गरेका छन् । आगलागीपछि एडमन्टनस्थित अस्पतालमा घाइतेहरूको चाप बढेको थियो ।

यस घटनाको असर अल्बर्टामा भइरहेको अग्रिम मतदानमा समेत परेको छ । क्यानडाबाट अलग हुने विषयमा भविष्यमा जनमतसङ्ग्रहको प्रक्रिया अघि बढाउने कि नबढाउने भन्ने प्रस्तावमा सोमबार मतदान हुँदैछ । आगलागीका कारण वेनराइटस्थित अग्रिम मतदान केन्द्र बन्द गरिएको निर्वाचन व्यवस्थापन निकायले जनाएको छ ।