२०८३ कात्तिक २५, बुधबार ०९:३०
खोटाङ । आर्थिक अभावका कारण तिहारमा माइती जान नसक्ने चेलीहरूलाई घरदेखि माइतीसम्म र फर्किंदा घरसम्म पुर्याउन खोटाङमा निःशुल्क मोटरसाइकल सेवा सुरु गरिएको छ ।
‘दसैँ–तिहार, चेलीलाई उपहार’ अभियानअन्तर्गत मंगलबारदेखि सेवा सुरु गरिएको अभियानका संयोजक सञ्जयकुमार राईले बताए । उनका अनुसार आर्थिक अभावका कारण माइती-मावली जान नसक्ने चेलीहरूलाई लक्षित गरी अभियान सञ्चालन गरिएको हो ।
‘दसैँका बेला चार दिन सञ्चालन गरिएको अभियानबाट ६ सय ४७ जना चेलीले सेवा पाएका थिए,’ राईले भने, ‘तिहारमा पनि त्यही अनुपातमा सेवा दिने लक्ष्य राखेका छौँ ।’
अभियानको पहिलो दिन मंगलबार १८ वटा मोटरसाइकल र एउटा अटोमार्फत १ सय ३६ जनाले सेवा पाएको अभियान सचिवालय प्रमुख निराजन ढकालले बताए ।
राईका अनुसार यो अभियान तीन वर्षदेखि सञ्चालन हुँदै आएको छ । गत वर्ष ७ सय ५० र अघिल्लो वर्ष ५ सय जनाले निःशुल्क यातायात सेवा पाएका थिए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी