
काठमाडौं । काठमाडौंको शङ्खरापुर नगरपालिका–३ मा बुधबार साँझ बस बस दुर्घटना हुँदा ४ जनाको मृत्यु भएको छ । यो समाचार तयार पार्दासम्म मृतकमध्ये ३ जनाको सनाखत भएको छ ।
दुर्घटनामा २२ जना घाइते भएका छन् । उनीहरुको विभिन्न अस्पतालमा उपचार जारी छ । मृतकमध्ये बाँकेको कोहलपुरकी ४९ वर्षीया कामना शर्मा, ताप्लेजुङकी ५१ वर्षीया इन्दिरा लिम्बू र काठमाडौंको पेप्सीकोला बस्ने ५५ वर्षीया शान्ति गुप्ताको पहिचान भएको छ । १ जनाको पहिचान हुन बाँकी छ ।
प्रहरीका अनुसार वनभोज गएर जर्सिपौवाबाट साँखुतर्फ फर्कँदै गरेको बा ४ ख ८७८८ नम्बरको महानगर यातायातको बस सडकबाट करिब १ सय मिटर तल खसेर दुर्घटनामा परेको हो । प्रहरीले घटनाको अनुसन्धान सुरु गरेको छ ।

























