४० माइक्रोनमुनिका प्लास्टिक झोला प्रतिबन्ध, बिक्रीवितरणमा कडाइ

Share this
681shares
मुलुकी खबर
मुलुकी खबर
clock२०८२ पुस २६, शनिबार ०७:१२

काठमाडौं । ४० माइक्रोनभन्दा कम मोटाइका प्लास्टिक झोला उत्पादन, बिक्री र वितरणमा कडाइ गरिएको छ ।

वातावरण संरक्षणमा चुनौती बढ्दै गएपछि वाणिज्य, आपूर्ति तथा उपभोक्ता संरक्षण विभागले उद्योग र फर्महरूमा स्थलगत निरीक्षण तीव्र बनाउँदै प्रतिबन्ध कार्यान्वयनमा ल्याएको हो । विभागले हालै गरेको निरीक्षणका क्रममा ललितपुरको बालकुमारी प्लास्टिक उद्योगलाई ५० हजार रुपैयाँ जरिबाना गरेको छ ।

उत्पादन वस्तुको कारखाना मूल्य नराखिएको र उद्योग दर्ताको प्रमाणपत्र सार्वजनिक रूपमा नदेखिने गरी राखिएको पाइएपछि उपभोक्ता संरक्षण ऐन, २०७५ अनुसार कारबाही गरिएको विभागले जनाएको छ । सोही ऐनले निरीक्षणका क्रममा तत्काल प्रमाणका आधारमा ५० हजारदेखि १ लाख रुपैयाँसम्म जरिबाना गर्न सक्ने व्यवस्था गरेको छ ।

यस्तै, एटिएल प्रोडक्सन हाउसलाई पनि उद्योग दर्ताको प्रमाणपत्र सार्वजनिक रूपमा नराखेको कारण ५१ हजार रुपैयाँ जरिबाना गरिएको छ । विभागका अनुसार पछिल्ला दिनहरूमा ४० माइक्रोनभन्दा कमका प्लास्टिक झोला बिक्रीवितरण नगर्न उद्योग, वितरक र आयातकर्तालाई निरन्तर सचेत गराइँदै आएको छ ।

केही दिनयता विभागले दर्जनौँ उद्योग तथा फर्ममा निरीक्षण गरिसकेको छ । यसै साता मात्र गरिएको अनुगमनका क्रममा केही फर्मलाई नगद जरिबाना गरिएको विभागले जनाएको छ ।

प्लास्टिकको अनाधिकृत र अत्यधिक प्रयोगले वातावरणमा गम्भीर असर पारेकाले नियन्त्रणका लागि बजारमा निगरानी थप कडा बनाइने विभागको भनाइ छ ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.