मोरङमा म्यादीका लागि हालसम्म ४,७८१ जनाको दरखास्त

Share this
737shares
मुलुकी खबर
मुलुकी खबर
clock२०८२ पुस २९, मंगलबार १७:४६

विराटनगर । आगामी फागुन २१ गते हुने प्रतिनिधिसभा निर्वाचनका लागि मोरङमा म्यादी प्रहरी (निर्वाचन प्रहरी)मा भर्ना हुनका लागि हालसम्म ४ हजार ७ सय ८१ जनाको दरखास्त परेको छ ।

मोरङ प्रहरी प्रमुख एसपी कवित कटवालका अनुसार मंगलबारसम्ममा मागभन्दा धेरै दरखास्त परिसकेको हो । फारम भर्नेमध्ये ३ हजार ४ सय ३७ जना पुरुष र १ हजार ३ सय ४४ जना महिला छन् । मोरङमा ४ हजार ३ सय ८३ जना निर्वाचन प्रहरीको माग भएको थियो ।

हालसम्म माग गरिएको भन्दा ३ सय ९८ जना बढीले फारम भरिसकेका छन् । निर्वाचन प्रहरीमा भर्ना हुन चाहनेको दरखास्त फारम पुस २५ गते शुक्रबारबाट लिन थालिएको थियो । फराम भर्ने समय माघ १ गतेसम्म तोकिएको छ ।

एसपी कटवालले निर्वाचन प्रहरीमा भर्ना हुनेको संख्या बढ्ने बताए । ‘हालसम्म ४ हजार ७ सय ८१ जनाले फराम भरेका छन् । अझै २ दिन समय छ । त्यो संख्या बढ्छ,’ उनले भने । म्यादी हुन इच्छुकलाई तोकिएको योग्यतामा रहेर फराम भर्ना जिल्ला प्रहरी कार्यालय मोरङले अनुरोध गरेको छ ।

निर्वाचन प्रहरीको माग गरिएसँगै जिल्ला प्रहरी कार्यालय मोरङ परिसरमा आवेदन दिनका लागि युवायुवतीको विशेष आकर्षक देखिएको थियो । फराम भरेकाहरुबाट छनोट गरेर निर्वाचनमा परिचालन गरिने छ । उनीहरुलाई सरकारले तोकेबमोजिमको सेवा सुविधा उपलब्ध गराइने छ ।

म्यादी प्रहरी हुनलाई १८ वर्ष पूरा भइ ५४ वर्ष नघाघेका व्यक्तिले आवेदन दिन सक्ने छन् । नेपाली नागरिकसँगै फौजदारी अभियोगमा सजाय नपाएको, राजनीतिक दलको सदस्य नभएको, शारीरिक र मानसिक रुपमा स्वस्थ्य, आतंककारी तथा विध्वंसकारी संगठनमा आबद्धता नभएकाले म्यादी प्रहरी हुन पाउने छन् ।

आवश्यक मापदण्ड पूरा गरेपछि छनोटमा परेका निर्वाचन प्रहरीलाई मतपेटिका सुरक्षा, भिडभाड व्यवस्थापनलगायतका सुरक्षात्मक विषयमा तालिम दिएर चुनावमा खटाइने छ । मोरङमा प्रतिधिसभाका लागि ६ वटा निर्वाचन क्षेत्र छन् ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.