ओली आज झापातिर

Share this
672shares
मुलुकी खबर
मुलुकी खबर
clock२०८२ माघ ५, सोमबार ११:०१

काठमाडौँ । नेकपा एमालेका अध्यक्ष केपी शर्मा ओली आगामी प्रतिनिधि सभा निर्वाचनका लागि उम्मेदवारी दर्ता गर्न आज गृहजिल्ला झापा जाँदैछन्। काठमाडौँबाट झापा जान लागेका हुन्। निर्वाचन आयोगको कार्यसूची अनुसार भोलि मंगलबार उम्मेदवारी मनोनयन गर्ने कार्यक्रम रहेकोले ओली एक दिन अगावै त्यसतर्फ लाग्न लागेका हुन्।

एमालेले उनलाई आगामी प्रधानमन्त्रीको उम्मेदवारका रूपमा अघि सार्दै झापा क्षेत्र नम्बर ५ बाट उम्मेदवार बनाउने निर्णय गरिसकेको छ। ओली यसअघिका निर्वाचनमा पनि सोही क्षेत्रबाट विजयी हुँदै आएका थिए। यसपटक झापा ५ को प्रतिस्पर्धा निकै रोचक हुने देखिएको छ।

सो क्षेत्रबाट राष्ट्रिय स्वतन्त्र पार्टी (रास्वपा) ले काठमाडौँका पूर्व मेयर बालेन शाहलाई चुनावी मैदानमा उतार्ने तय गरेको छ भने नेपाली कम्युनिस्ट पार्टीले युवा नेता रन्जित तामाङलाई टिकट दिएको छ। यी ‘हेभीवेट’ उम्मेदवारहरूबीचको प्रतिस्पर्धालाई राजनीतिक वृत्तमा निकै महत्वका साथ हेरिएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.