उच्च पहाडी र हिमाली क्षेत्रमा वर्षासहित हिमपातको सम्भावना

Share this
726shares
मुलुकी खबर
मुलुकी खबर
clock२०८२ माघ १३, मंगलबार ०६:४०

काठमाडौं । मौसम पूर्वानुमान महाशाखाले नेपालमा हाल पश्चिमी वायुको आंशिक प्रभाव कायम रहेको जानकारी दिएको छ । त्यसका कारण देशका विभिन्न भू–भागमा बादल लाग्ने, वर्षा हुने र हिमाली क्षेत्रमा हिमपातको सम्भावना देखिएको महाशाखाको भनाइ छ ।

महाशाखाका अनुसार आज (मंगलबार) बिहान कोशी र मधेश प्रदेशका तराई भू–भागका केही स्थानहरूमा बिहानको समयमा तुवाँलो लागेको छ । यस्तै, देशका हिमाली भू–भागमा आंशिक बदली रहेको छ भने बाँकी अधिकांश भू–भागमा मौसम सामान्यतया सफा देखिएको छ ।

मंगलबार दिउँसो गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू–भागमा बादल लाग्ने सम्भावना रहेको छ । ती प्रदेशका उच्च पहाडी तथा हिमाली क्षेत्रका केही स्थानहरूमा हल्का हिमपात र वर्षा हुन सक्ने महाशाखाले जनाएको छ ।

विशेषगरी कर्णाली र सुदूरपश्चिम प्रदेशका थोरै स्थानहरूमा हिमपातको सम्भावना रहेको छ भने गण्डकी प्रदेशका उच्च हिमाली क्षेत्रका १–२ स्थानमा पनि यस्तै अवस्था देखिन सक्ने पूर्वानुमान गरिएको छ । साथै, कर्णाली र सुदूरपश्चिम प्रदेशका पहाडी तथा तराई भू–भागका केही स्थानहरूमा मेघगर्जन र चट्याङसहित हल्का वर्षा हुन सक्ने उल्लेख गरिएको छ ।

राति भने गण्डकी, लुम्बिनी, कर्णाली र सुदूरपश्चिम प्रदेशसहित देशका अधिकांश हिमाली भू–भागमा बदली रहनेछ । बाँकी भू–भागमा आंशिक बदली रहने महाशाखाको अनुमान छ ।

यस अवधिमा गण्डकी, लुम्बिनी, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रका केही स्थानहरूमा मध्यम खालको हिमपात र वर्षा हुने सम्भावना रहेको छ। यस्तै, अन्य प्रदेशका उच्च पहाडी तथा हिमाली भू–भागका १–२ स्थानमा हल्का हिमपात हुन सक्ने बताइएको छ।

त्यसैगरी, कर्णाली र सुदूरपश्चिम प्रदेशसँगै गण्डकी र लुम्बिनी प्रदेशका पहाडी भू–भागका केही स्थानहरूमा मध्यम वर्षा तथा तराई भू–भागका थोरै स्थानहरूमा हल्का वर्षाको सम्भावना रहेको छ । लुम्बिनी र सुदूरपश्चिम प्रदेशका पहाडी तथा तराई भू–भागका केही स्थानहरूमा मेघगर्जन र चट्याङसमेत पर्न सक्ने भएकाले सतर्कता अपनाउन महाशाखाले आग्रह गरेको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.