आगलागीले २४ परिवार विस्थापित

Share this
697shares
मुलुकी खबर
मुलुकी खबर
clock२०८२ माघ २१, बुधबार ०८:२०
प्रतीकात्मक तस्बिर

काठमाडौं । काठमाडौंको बुढानीलकण्ठ नगरपालिका–१३ अन्तर्गत चुनीखेल नयाँबस्तीमा मंगलबार राति भएको आगलागीबाट २४ परिवार विस्थापित भएका छन् । राति करिब पौने ११ बजेतिर सुरु भएको आगो सवा १ बजेपछि मात्र नियन्त्रणमा आएको थियो ।

स्थानीयवासीका अनुसार आगो बस्तीको बीचमा रहेको लामो टहराबाट सुरु भई छिट्टै फैलिएको थियो । आगलागीका क्रममा टहराभित्र फसेका ७ जनालाई सुरक्षाकर्मी र स्थानीयको सहयोगमा सुरक्षित रूपमा उद्धार गरिएको थियो । मानवीय क्षति भने नभएको प्रहरीले जनाएको छ ।

आगो निभाउन काठमाडौं महानगरपालिका, बुढानीलकण्ठ नगरपालिका र टोखा नगरपालिकाका दमकल परिचालन गरिएको थियो । दमकल, प्रहरी, स्थानीयवासी र नगरपालिकाका कर्मचारीको संयुक्त प्रयासले आगो पूर्ण रूपमा नियन्त्रणमा आएको हो ।

बुढानीलकण्ठ–१३ का वडा अध्यक्ष टीकानारायण श्रेष्ठका अनुसार आगलागीबाट २४ कोठा बराबरको लामो टहरा पूर्ण रूपमा जलेर नष्ट भएको छ । ती कोठामा विभिन्न जिल्लाबाट आएका मजदुर तथा न्यून आय भएका परिवारहरू भाडामा बस्दै आएका थिए । ‘त्यहाँ २४ परिवार बसोबास गर्दै आएका थिए । आगलागीपछि सबै परिवार विस्थापित भएका छन्,’ वडा अध्यक्ष श्रेष्ठले भने ।

विस्थापित परिवारलाई तत्काल नजिकै रहेका अन्य टहरामा अस्थायी रूपमा बस्ने व्यवस्था मिलाइएको छ । साथै, नगरपालिकाको समन्वयमा खाद्यान्न, लत्ताकपडा तथा आवश्यक राहत सामग्री उपलब्ध गराउने तयारी भइरहेको वडा कार्यालयले जनाएको छ ।

आगलागी विद्युत सर्ट भएर भएको प्रारम्भिक अनुमान गरिएको छ । यद्यपि, आगलागीबाट भएको कुल क्षतिको विवरण भने प्राप्त हुन बाँकी छ । प्रहरीसहित मुचुल्का उठाइने र आगलागीको कारण पत्ता लगाउँदै क्षतिको विस्तृत विवरण संकलन गरिने वडा अध्यक्ष श्रेष्ठले बताए ।

घटनापछि स्थानीयवासीले बस्ती क्षेत्रमा कमजोर विद्युतीय तार, अव्यवस्थित टहरा र दमकल पुग्न कठिन संरचनाका कारण आगलागीको जोखिम उच्च रहेको भन्दै चिन्ता व्यक्त गरेका छन् । उनीहरूले यस्ता बस्तीमा आगलागी न्यूनीकरणका लागि नियमित अनुगमन, सुरक्षित विद्युत जडान र वैकल्पिक बसोबासको व्यवस्था गर्न स्थानीय सरकारसँग माग गरेका छन् ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.