स्वागत गर्न खोज्दा बालेनले उम्मेदवारकै माला हुत्याइदिएपछि… (भिडियोसहित)

Share this
720shares
मुलुकी खबर
मुलुकी खबर
clock२०८२ माघ २१, बुधबार १५:००

इटहरी । राष्ट्रिय स्वतन्त्र पार्टी (रास्वपा) ले प्रधानमन्त्रीको उम्मेदवारका रूपमा अघि सारेका नेता बालेन्द्र शाह (बालेन) को सुनसरी भ्रमणका क्रममा एउटा अप्रत्याशित दृश्य देखिएको छ। इटहरीमा आयोजित स्वागत कार्यक्रममा बालेनले आफूलाई माला लगाइदिन खोज्ने आफ्नै पार्टीका उम्मेदवार लालविक्रम थापाको माला हातले हुत्याइदिएका छन्।

सुनसरी क्षेत्र नम्बर २ का उम्मेदवार तथा रास्वपाका कोशी प्रदेश महामन्त्रीसमेत रहेका थापा ठूलो उत्साहका साथ बालेनलाई स्वागत गर्न कुरिरहेका थिए। लामो पर्खाइपछि बालेन आइपुग्दा थापाले सम्मानस्वरूप माला पहिर्‍याउन खोजेका थिए। तर, बालेनले माला लगाउन इन्कार गर्दै हातले पन्छाएपछि उपस्थित नेता तथा कार्यकर्ताहरू अचम्ममा परेका थिए।

प्रधानमन्त्रीको दाबेदारका रूपमा देश दौडाहामा रहेका बालेनलाई हेर्न र स्वागत गर्न भेला भएका कार्यकर्तामाझ यो घटनाले केहीबेर सन्नाटा छाएको थियो। आफ्नै पार्टीका प्रभावशाली नेताले सार्वजनिक रूपमा माला अस्वीकार गरेपछि महामन्त्री थापाले निकै असजिलो महसुस गरेका थिए।

फागुन २१ को निर्वाचन केन्द्रित तेस्रो चरणको कार्यक्रमअन्तर्गत बालेन आज मोरङ, सुनसरी र उदयपुरका विभिन्न स्थानमा पुग्ने तालिका छ। चुनावी रापताप बढिरहेका बेला इटहरीमा भएको यो घटनालाई स्थानीय राजनीतिक वृत्तमा चासोका साथ हेरिएको छ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.