सुई प्रहार गरी हत्या : ‘घातक औषधि प्रयोग’

Share this
749shares
मुलुकी खबर
मुलुकी खबर
clock२०८२ माघ २५, आइतबार ०९:३१

विराटनगर। झापाको भद्रपुरमा एक अवकाशप्राप्त शिक्षकको एनेस्थेसियामा प्रयोग हुने घातक औषधि सुईमार्फत प्रहार गरी हत्या गरिएको छ। भद्रपुर नगरपालिका–१०, त्रिवेणी टोलका ६६ वर्षीय खेमराज ढकालको शरीरमा ‘प्रोपोफोल’ नामक औषधि जबरजस्ती पठाएर हत्या गरिएको प्रहरी अनुसन्धानबाट खुलेको हो।

शल्यक्रियाअघि बिरामीलाई बेहोस बनाउन प्रयोग गरिने यो औषधिको उच्च मात्राका कारण ढकालको मृत्यु भएको प्रारम्भिक अनुसन्धानले देखाएको छ। बिहीबार साँझ घरमै बसिरहेका ढकालको घाँटीमा सुई प्रहार गरिएको थियो। गम्भीर अवस्थामा अस्पताल पुर्‍याइएका उनलाई चिकित्सकले मृत घोषणा गरेका थिए।

हत्यामा संलग्न रहेको आरोपमा प्रहरीले सिरहाका २६ वर्षीय दिपेशकुमार सिंहलाई पक्राउ गरेको छ। सिंह बीपी कोइराला स्वास्थ्य विज्ञान प्रतिष्ठान (घोपा), धरानमा एमबीबीएस चौथो वर्षमा अध्ययनरत विद्यार्थी हुन्। उनी मृतक ढकालकी छोरीका सिनियर विद्यार्थीसमेत हुन्।

प्रहरीका अनुसार यो हत्या प्रेम प्रस्ताव अस्वीकार गरेको रिसिबीका कारण योजनाबद्ध रूपमा गरिएको पाइएको छ। सिंहले ढकालकी छोरीलाई प्रेम प्रस्ताव राखेको र सो अस्वीकार भएपछि उनीहरूबीच सम्बन्ध बिग्रिएको थियो। यसअघि पनि सिंहले ती छात्राको फोटो सम्पादन गरेर बदनाम गर्न खोजेको भन्दै इलाका प्रहरी कार्यालय धरानमा उजुरी परेको खुलेको छ।

सोही रिस फेर्न सिंह ‘शिक्षक चाहिएको’ बहाना बनाएर ढकालको घर पुगेका थिए। जिल्ला प्रहरी कार्यालय झापाका सूचना अधिकारी डीएसपी खगेन्द्रबहादुर खड्काले सिरिन्जमा प्रयोग गरिएको औषधिको थप प्रयोगशाला परीक्षण भइरहेको जानकारी दिए। पक्राउ परेका सिंहमाथि ज्यान सम्बन्धी कसूरमा मुद्दा दर्ता गरी थप अनुसन्धान अगाडि बढाइएको छ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.