
चितवन । भरतपुर महानगरपालिका–२ पुलचोकस्थित नारायणी नदीमा हाम फालेकी एक महिलालाई सशस्त्र प्रहरीले जीवितै उद्धार गरेको छ। भरतपुर महानगरपालिका-२० बस्ने २० वर्षीया सविना परियारले नारायणी पुलबाट नदीमा हाम फालेकी थिइन्।
उनले नदीमा फाल हाने लगत्तै सशस्त्र प्रहरी बल नेपाल आईआरटी पोस्ट पुलचोकबाट टोली परिचालन भएको थियो। सशस्त्र प्रहरी सहायक निरीक्षक गंगाराज गोलेको कमान्डमा खटिएको सुरक्षा फौजले तत्काल सक्रियता देखाउँदै उनलाई नदीबाट सकुशल बाहिर निकाल्न सफल भयो।
उद्धार गरिएकी परियारलाई थप उपचार र स्वास्थ्य परीक्षणका लागि भरतपुर अस्पताल पठाइएको सशस्त्र प्रहरीले जनाएको छ।

























