कोशीसहित ३ प्रदेशका उच्च भूभागमा हल्का वर्षा र हिमपातको सम्भावना

Share this
723shares
मुलुकी खबर
मुलुकी खबर
clock२०८२ माघ २९, बिहीबार ०६:२३

काठमाडौं । देशमा पश्चिमी वायुको आंशिक प्रभाव कायमै रहेकाले आज (बिहीबार) पनि केही प्रदेशका उच्च पहाडी तथा हिमाली भू–भागमा बदलीसहित हल्का वर्षा र हिमपातको सम्भावना रहेको छ ।

मौसम पूर्वानुमान महाशाखाका अनुसार हाल कोशी, गण्डकी र कर्णाली प्रदेशका उच्च क्षेत्रहरूमा साधारणतया बदली रहेको छ भने बाँकी भू–भागको मौसम मुख्यतया सफा रहेको छ । महाशाखाले जारी गरेको दैनिक मौसम बुलेटिन अनुसार बिहीबार दिउँसो तराईका केही स्थानमा हुस्सु तथा कुहिरो लाग्ने सम्भावना छ ।

विशेषगरी पूर्वी तराई क्षेत्रमा बिहानको समयमा दृश्यता कम हुन सक्ने भएकाले सडक तथा हवाई यातायातमा सावधानी अपनाउन आग्रह गरिएको छ । दिउँसोको समयमा कोशी प्रदेशको पहाडी तथा हिमाली भू–भागमा सामान्य बदली रहनेछ भने देशका अन्य पहाडी र हिमाली क्षेत्रमा आंशिक बदली रहने जनाइएको छ ।

तराईका अधिकांश स्थानमा भने मौसम सामान्यतया सफा रहनेछ । महाशाखाका अनुसार कोशी प्रदेशका उच्च पहाडी र हिमाली भू–भागका थोरै स्थानहरूमा हल्का वर्षासहित हिमपातको सम्भावना रहेको छ ।

त्यस्तै बागमती र गण्डकी प्रदेशका उच्च हिमाली क्षेत्रका १–२ स्थानमा पनि हल्का वर्षा र हिमपात हुन सक्ने पूर्वानुमान गरिएको छ । उच्च हिमाली क्षेत्रमा चिसो बढ्न सक्ने भएकाले त्यहाँका बासिन्दा तथा पर्यटकलाई आवश्यक सतर्कता अपनाउन सुझाव दिइएको छ ।

बिहीबार राति भने देशको अधिकांश भू–भागमा मौसम मुख्यतया सफा रहने पूर्वानुमान गरिएको छ । तराईका थोरै स्थानमा तुवाँलो लाग्ने सम्भावना छ भने लुम्बिनी, कर्णाली र सुदूरपश्चिम प्रदेशमा आंशिक बदली रहने बताइएको छ ।

मौसमविद्हरूका अनुसार पश्चिमी वायुको प्रभाव कमजोर भए पनि पूर्ण रूपमा हटिसकेको छैन । यसकै कारण उच्च पहाडी र हिमाली क्षेत्रमा बदली तथा हल्का वर्षा एवं हिमपातको सम्भावना रहेको हो ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.