तामाकोशी बस दुर्घटनाका ३ जना अझै बेपत्ता

Share this
788shares
मुलुकी खबर
मुलुकी खबर
clock२०८२ माघ २९, बिहीबार ११:२१

रामेछाप। मन्थली नगरपालिका–६ बेनीघाटस्थित तामाकोशी नदीमा भएको बस दुर्घटनामा परेका तीन जना यात्रु अझै फेला परेका छैनन्। जिल्ला प्रहरी कार्यालय रामेछापले बेपत्ताहरूको हुलियासहितको फोटो सार्वजनिक गर्दै खोजी कार्यमा सहयोग गर्न सबैमा आग्रह गरेको छ।

प्रहरी र पारिवारिक स्रोतका अनुसार मन्थली नगरपालिका–२ पिल्लेका ९ वर्षीय क्रिशन तामाङ, लिखु तामाकोशी गाउँपालिका–७ तिल्पुङका ८ वर्षीय रोनिश तामाङ र उमाकुण्ड गाउँपालिका–६ गुप्तेश्वरका २४ वर्षीय विशाल सुनुवार बेपत्ता रहेका हुन्। बेपत्ता क्रिशन सोही दुर्घटनामा ज्यान गुमाएकी तारा तामाङका छोरा हुन्। नदीमा सुरक्षाकर्मी र स्थानीयले निरन्तर खोजी गरिरहे पनि हालसम्म उनीहरूको अवस्था पत्ता लाग्न सकेको छैन।

काठमाडौंबाट ओखलढुङ्गाका लागि छुटेको प्रदेश ३–०१–००५ ख ९९७५ नम्बरको बस गत मंगलबार बिहान करिब १०ः४० बजे बेनीघाट सडकबाट तामाकोशी नदीमा खसेको थियो। दुर्घटनालगत्तै चालकसहित २० जनालाई उद्धार गरी मन्थली अस्पताल लगिएकोमा चिकित्सकले १२ जनालाई मृत घोषणा गरेका थिए।

अहिले अन्य घाइतेहरूको अस्पतालमा उपचार भइरहेको छ। प्रहरीले बस दुर्घटनाको वास्तविक कारणबारे अनुसन्धान भइरहेको बताएको छ। तामाकोशीको तल्लो तटीय क्षेत्रमा बसोबास गर्ने सर्वसाधारणलाई कोही कसैको फेला परेमा तत्काल नजिकको प्रहरी कार्यालयमा खबर गर्न समेत अनुरोध गरिएको छ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.