९० हजार मतपेटिका तयारी अवस्थामा

Share this
731shares
मुलुकी खबर
मुलुकी खबर
clock२०८२ फागुन ६, बुधबार ०६:२१

काठमाडौं । निर्वाचन आयोगले फागुन २१ गते हुने प्रतिनिधिसभा सदस्य निर्वाचनका लागि आवश्यक करिब ९० हजार मतपेटिका तयारी अवस्थामा राखेको छ ।

यसपटक देशभर ९६७ मतदानस्थल र २३ हजार ११२ मतदान केन्द्र तय गरिएको छ । मतदानका लागि ९० हजार मतपेटिकाको व्यवस्था गरिएको हो । काठमाडौं र ललितपुरका मतदान केन्द्रका लागि आवश्यक मतपेटिका आयोगको केन्द्रीय कार्यालयमै राखिएको छ ।

दुवै जिल्लाका निर्वाचन कार्यालयमा पर्याप्त भण्डारण स्थल नभएकाले केन्द्रीय कार्यालयबाटै व्यवस्थापन गरिएको हो । भक्तपुरमा भने जिल्ला निर्वाचन कार्यालयमै मतपेटिका भण्डारण गरिएकाले त्यहीँबाट मतदान केन्द्रसम्म पठाइने व्यवस्था मिलाइएको छ ।

चितवनमा गत भदौ २४ गते जेनजी आन्दोलनका क्रममा केही मतपेटिका जलाइएपछि मौज्दात अभाव भएको थियो । त्यसपछि आयोगको केन्द्रीय कार्यालयबाट २ हजार ५ सय थान मतपेटिका चितवन पठाइएको आयोगका सहायक प्रवक्ता प्रकाश न्यौपानेले जानकारी दिए ।

अन्य ७४ जिल्लामा २०७९ सालमै पठाइएका मतपेटिकाको मौज्दातबाटै यसपटकको निर्वाचन सञ्चालन गरिने आयोगले जनाएको छ । क्षतिग्रस्त सामग्री प्रतिस्थापन गरी आवश्यक परीक्षणपछि पुनः प्रयोगमा ल्याइनेछ ।

आयोगले मतपेटिका ढुवानी र सुरक्षाका लागि स्थानीय प्रशासन र सुरक्षाकर्मीहरूसँग समन्वय गरिएको जनाएको छ । निर्वाचनलाई भयरहित, निष्पक्ष, व्यवस्थित र सुरक्षित रूपमा सम्पन्न गर्न आवश्यक सम्पूर्ण तयारी पूरा गरिने आयोगको भनाइ छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.