
काठमाडौं । सरकारले ग्याल्पो ल्होछार र प्रजातन्त्र दिवसको अवसरमा बुधबार र बिहीबार सार्वजनिक बिदा दिएको छ । तर, सार्वजनिक बिदामा पनि राहदानी विभागको सेवा भने सुचारु रहने छ ।
विभागले जारी गरेको सूचनाअनुसार दुवै दिन बिहान १० बजेदेखि दिउँसो १ बजेसम्म सेवा खुला रहनेछ । विभागले बुधबार राहदानी वितरण सेवा प्रदान गर्नेछ भने बिहीबार आवेदन फारम संकलन गर्ने व्यवस्था गरिएको छ ।
अत्यावश्यक सेवाका कारण सार्वजनिक बिदा हुँदाहुँदै पनि कार्यालय खुला रहने विभागले जनाएको छ । यस निर्णयले राहदानी लिन वा आवेदन दिन नागरिकलाई सुविधा पुग्ने विश्वास विभागले व्यक्त गरेको छ ।

























