
काठमाडौं। नेपाली कांग्रेसका पूर्वसभापति एवं पूर्वप्रधानमन्त्री शेरबहादुर देउवाले फागुन ७ गतेलाई नागरिक स्वतन्त्रता र अधिकार प्राप्त गरेको ऐतिहासिक दिनका रूपमा स्मरण गरेका छन्।
प्रजातन्त्र दिवसको अवसरमा बिहीबार शुभकामना दिँदै देउवाले अग्रजहरूको त्याग र बलिदानले नै जहानियाँ राणा शासन अन्त्य भएको बताए।
देउवाले शुभकामना सन्देशमा हाम्रा अग्रजहरूको संघर्षकै जगमा २००७ साल फागुन ७ गते नागरिकले स्वतन्त्रता र अधिकार प्राप्त गरेको उल्लेख गरेका छन्।
उनले प्रजातन्त्र स्थापनाका लागि प्राण उत्सर्ग गर्ने शहीदहरूप्रति सम्मान प्रकट गर्दै यो दिनले लोकतान्त्रिक मूल्य र मान्यताप्रति सबैलाई प्रतिबद्ध रहन प्रेरणा दिने विश्वास व्यक्त गरे।

























