मोटरसाइकलको तीव्र गतिले लियो ३ जनाको ज्यान

Share this
657shares
मुलुकी खबर
मुलुकी खबर
clock२०८२ फागुन ९, शनिबार ०९:२२

काठमाडौं। भीमदत्त राजमार्ग अन्तर्गत कैलालीको अत्तरियास्थित वनदेवी सडकखण्डमा शुक्रबार साँझ २ मोटरसाइकल आपसमा ठोक्किँदा ३ जनाको मृत्यु भएको छ। तीव्र गतिमा रहेका मोटरसाइकल एकआपसमा ठोक्किँदा भएको उक्त दुर्घटनामा परी गम्भीर घाइते भएका उनीहरूको उपचारका लागि धनगढी लैजाँदै गर्दा बाटोमै मृत्यु भएको हो।

इलाका प्रहरी कार्यालय मालाखेतीका प्रहरी नायब उपरीक्षक रणबहादुर चन्दका अनुसार मृत्यु हुनेमा सुप प्र०१० १०प ३१८७ नम्बरको मोटरसाइकल चालक धनगढी उपमहानगरपालिका–२ का २२ वर्षीय हरिश ओली रहेका छन्। सोही मोटरसाइकलको पछाडि सवार गोदावरी नगरपालिका–६ का २३ वर्षीय जीवन पाठक भने गम्भीर घाइते भएका छन् र उनको उपचार भइरहेको छ।

त्यस्तै, अर्को सुप प्र०१ ००९ प ७७८१ नम्बरको मोटरसाइकलका चालक गोदावरी नगरपालिका–१ का २६ वर्षीय योगेन्द्र शाह र पछाडि सवार २३ वर्षीय हरिश पार्कीको पनि मृत्यु भएको छ। मृतक ओली गोदावरीमा एउटा विवाह कार्यमा सहभागी भई धनगढीतर्फ फर्किरहेका बेला दुर्घटना भएको प्रहरीले जनाएको छ।

प्रहरी नायब उपरीक्षक चन्दले घटनास्थलको प्रकृति हेर्दा मोटरसाइकल प्रतिघन्टा १०० किलोमिटरभन्दा बढीको गतिमा रहेको देखिएको बताए। दुर्घटना यति शक्तिशाली थियो कि मोटरसाइकलका पाङ्ग्रा र अन्य पाटपुर्जाहरू उछिट्टिएका थिए। प्रहरीका अनुसार मृतक शाह यसअघि पनि दुई पटक मोटरसाइकल दुर्घटनामा परिसकेका थिए।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.