
काठमाडौं । प्रतिनिधिसभाको निर्वाचनका लागि बिहीबार बिहान ७ बजेदेखि मतदान सुरु हुँदैछ । मतदाताले आफ्नो नाम रहेको मतदान स्थलमा पुगेर बेलुका ५ बजेसम्म मतदान गर्न पाउँछन् ।
मतदानका लागि मतदाता परिचयपत्र चाहिन्छ । मतदाता परिचयपत्र नभए राष्ट्रिय परिचयपत्र, नागरिकता, लाइसेन्स, राहदानी, जग्गा धनीपूर्जासहित ६ प्रकारका कागजातका आधारमा मतदान गर्ने सुविधा निर्वाचन आयोगले दिएको छ ।
























