हर्क साम्पाङ प्रतिनिधिसभा सदस्यमा निर्वाचित

Share this
607shares
मुलुकी खबर
मुलुकी खबर
clock२०८२ फागुन २४, आइतबार १४:००

सुनसरी । श्रम संस्कृति पार्टीका अध्यक्ष एवं सुनसरीको धरान उपमहानगरपालिकाका पूर्वमेयर हर्कराज राई (हर्क साम्पाङ) प्रतिनिधिसभा सदस्यमा निर्वाचित भएका छन् ।

सुनसरीको निर्वाचन क्षेत्र नम्बर १ बाट उम्मेदवारी दिएका उनी ठूलो मतान्तरले विजयी बनेका हुन् । निर्वाचन आयोगले सार्वजनिक गरेको अन्तिम मतपरिणाम अनुसार साम्पाङले ३५ हजार ७४१ मत प्राप्त गरेका छन् ।

उनका निकटतम प्रतिद्वन्द्वी राष्ट्रिय स्वतन्त्र पार्टी (रास्वपा)की गोमा तामाङले २७ हजार २४९ मत प्राप्त गरिन् । उनीहरुबीचको मतान्तर ८ सय ४९२ छ ।

सुनसरी–१ बाट उम्मेदवार बनेका नेकपा (एमाले)का टीकराम लिम्बूले ६ हजार ४६३, नेपाली कम्युनिष्ट पार्टी (नेकपा)का सूर्यबहादुर भट्टराईले ६ हजार १८५ र नेपाली कांग्रेसका सुजेन्द्र तामाङले ३ हजार ९७० मत मात्रै प्राप्त गरे ।

साम्पाङ धरानको मेयरबाट राजीनामा दिएर दल खोल्दै राजनीतिमा आएका थिए । २०७९ सालको निर्वाचनमा भने स्वतन्त्र उम्मेदवार बनेर उनी धरानको मेयरमा निर्वाचित भएका हुन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.