हर्क साम्पाङलाई ज्यान मार्ने धम्की, सीआईबीमा उजुरी दिने तयारी

Share this
603shares
मुलुकी खबर
मुलुकी खबर
clock२०८२ चैत १६, सोमबार ११:३६
‘रास्वपाले देश चलाउन सक्दैन भन्ने प्रमाणित भइसक्यो’: हर्क साम्पाङ

विराटनगर । प्रतिनिधिसभा सदस्य एवं श्रम संस्कृति पार्टीका अध्यक्ष हर्क साम्पाङ (हर्कराज राई)ले आफूलाई ज्यान मार्ने र घर जलाउने धम्की आएको बताएका छन् ।

राष्ट्रिय स्वतन्त्र पार्टी (रास्वपा)का कार्यकर्ताबाट आफूलाई मार्ने र घर जलाउने धम्की आएको विषय उनले सोमबार बिहान सामाजिक सञ्जाल फेसबुकमार्फत सार्वजनिक गरेका हुन् । साम्पाङले आफूलाई धम्की दिने रास्वपाका कार्यकर्ताविरुद्ध नेपाल प्रहरीको केन्द्रीय अनुसन्धान ब्युरो (सीआईबी)मा उजुरी दिने तयारी गरिरहेको बताए ।

सत्तारुढ दलका कार्यकर्ताबाट धम्की आएपछि उजुरी दिन जान लागेको उनको भनाइ छ । सार्वजनिक रूपमा प्रतिक्रिया दिँदै साम्पाङले आफूले प्रतिपक्षको भूमिका निभाइरहेको सन्दर्भमा यस्तो धम्की आएको उल्लेख गरेका छन् । उनले आफ्नो फेसबुक पोस्टमा रास्वपाका समर्थकबाट ज्यान लिने र घरमा आगजनी गर्ने चेतावनी आएको दाबी गर्दै यसलाई गम्भीर सुरक्षा चुनौतीका रूपमा लिएको बताएका छन् ।

‘मैले प्रतिपक्षको भूमिका निभाउँदै गर्दा रास्वपाको समर्थकले मलाई ज्यान मार्ने र मेरो घर जलाउने धम्की दिएको छ । यही हो त रास्वपाको समर्थकको चरित्र ?’ उनले भनेका छन्, ‘आजै सीआईबीमा उजुरी लगाउँदैछौं । हेरौँ, सीआईबीले काम गर्छ कि गर्दैन ।’ सरकारको एकपक्षीय दादागिरी रहे देश अराजकताले निल्ने चेतावनी साम्पाङले दिएका छन् ।

साम्पाङले सरकारप्रति पनि कडा टिप्पणी गर्दै राज्य संयन्त्र निष्पक्ष रूपमा नचलाए देश अराजकतामा फस्न सक्ने चेतावनी दिएका छन् । उनले सरकारको एकपक्षीय व्यवहार र दादागिरीले राजनीतिक वातावरण थप अस्थिर बन्ने संकेत गरेका छन् ।

सीआईबीमा उजुरी दिने तयारीसँगै यो विषय औपचारिक अनुसन्धानको दायरामा जाने सम्भावना बढेको छ । यद्यपि, धम्की दिने व्यक्ति भनेर एक जना महिलाको फोटो पोस्ट गरेका साम्पाङले तिनको नाम भने खुलाएका छैनन् । उनलाई धम्की दिनेको पहिचान र घटनाको यथार्थताका बारेमा अहिल्यै आधिकारिक सार्वजनिक भइसकेको छैन ।

तर, राजनीतिक वृत्तमा यस घटनाले नयाँ बहस सुरु गरेको छ । सांसद तथ एउटा दलको नेतामाथि आएको भनिएको यस्तो धम्कीप्रति सर्वत्र चासो बढेको छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.