दुईवटा मोटरसाइकलबाट करिब ४४ किलो गाँजा बरामद : एक जना पक्राउ, दुई फरार

Share this
821shares
मुलुकी खबर
मुलुकी खबर
clock२०८२ चैत २०, शुक्रबार ०८:०७

धनकुटा । धनकुटामा प्रहरीले दुईवटा फरक मोटरसाइकलबाट गाँजा बरामद गर्दै एक जनालाई पक्राउ गरेको छ । अन्य दुई जना फरार रहेका छन् ।

धनकुटा नगरपालिका–९ अन्तर्गत त्रिवेणी–मुलघाटस्थित भित्री सडक खण्डमा बुधबार दिउँसो प्रहरीले दुईवटा मोटरसाइकल नियन्त्रणमा लिएको थियो । त्रिवेणीबाट मुलघाटतर्फ आउँदै गरेका दुई मोटरसाइकललाई प्रहरी चौकी मुलघाटबाट खटिएको टोलीले नियन्त्रणमा लिएको हो ।

प्रहरीलाई देख्नेबित्तिकै दुवै मोटरसाइकलमा सवार व्यक्तिहरू भाग्ने प्रयास गरेका थिए । त्यसक्रममा प्रदेश १–०२–०४७ प ६९८१ नम्बरको मोटरसाइकल चालकलाई नियन्त्रणमा लिन प्रहरी सफल भएको छ ।

पक्राउ पर्नेमा सहिदभूमि गाउँपालिका–७ का २२ वर्षीय शुसान भनिने सुदीप राई रहेका छन् । उनले चलाएको मोटरसाइकलमा बाँधिएको जेब्रा झोला चेकजाँच गर्दा १९ किलो ८५० गाँजा बरामद भएको प्रहरीले जनाएको छ ।

त्यस्तै, अर्को को २१ प ९५६५ नम्बरको मोटरसाइकलमा बाँधिएको झोला चेकजाँच गर्दा थप २४ किलो १४० ग्राम गाँजा फेला परेको थियो । उक्त मोटरसाइकलका चालक र पछाडि सवार व्यक्ति भने प्रहरीलाई छल्दै फरार भएका छन् ।

दुवै मोटरसाइकलबाट ४३ किलो ९९० किलोग्राम गाँजा बरामद भएको प्रहरीले जनाएको छ । प्रहरीले दुवै मोटरसाइकललाई नियन्त्रणमा लिएर फरार रहेकाको खोजी तीव्र पारिएको जनाएको छ ।

प्रहरीका अनुसार पक्राउ परेका सुदीप राईलाई भने लागुऔषध ऐनअन्तर्गतको मुद्दा चलाउन जिल्ला अदालत धनकुटाबाट बिहीबार म्याद थप गरेर अनुसन्धान अघि बढाइएको छ । प्रहरीका अनुसार पछिल्लो समय धनकुटालगायत पूर्वी पहाडी जिल्लाबाट गाँजा ओसारपसार तीव्र बनेको छ ।

गाँजा नियन्त्रण गर्न सक्रियता बढाइएको धनकुटा प्रहरी प्रमुख एसपी शरतकुमार थापा क्षेत्रीले बताए । गाँजाको कारोबार एवं ओसारपसारमा संलग्न जोसुकैलाई पनि कारबाहीको दायरामा ल्याइने जानकारी उनले दिए ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.